ज्या जखमा, महागाईचा मार, भाजप सरकारने दिला आहे, सगळ्यात जास्त वेदना महाराष्ट्राच्या महिलांना होतोय. यामुळे त्यांच्या बँक खात्यात दरमहिना ३ हजार आणि बस प्रवास मोफत संपूर्ण महाराष्ट्रात ही योजना लागू करण्यात येणार आहे. महाराष्ट्रात महिला बसमधून प्रवास करतील त्यांना बस तिकीटासाठी एक रुपयाही द्यावा लागणार नाही.

आज मुंबईतील बीकेसी मैदानात झालेल्या मविआच्या प्रचार सभेत बोलातांना काँग्रेसचे माजी अध्यक्ष आणि खासदार राहुल गांधींनी पंचसुत्री जाहीर केली. मविआचं सरकार आल्यानंतर महालक्ष्मी योजना लागू केली जाईल अशी घोषणा राहुल गांधी केली. यात महिला आणि मुलींना मोफत बस प्रवासचा लाभ घेता येणार आहे. शिवाय त्यांच्या बँक खात्यात दरमहिन्याला ३००० रुपये पाठवले जाणार असल्याचं त्यांनी म्हटलंय.

पंचसुत्रीमधील योजनेचा माहिती देताना राहुल गांधी म्हणाले, मी नागपूरमध्ये संविधानाचं बोललो, ही विचारधारेची लढाई आहे. एकीकडे अब्जाधीशांचं सरकार, दुसरीकडे युवकांची, लहान दुकानदार, उद्योजकांचं सरकार म्हणून इंडिया आघाडीनं महाराष्ट्रात पाच गॅरंटी दिली आहे. आपण महालक्ष्मी योजनेची माहिती तुम्हाला देणार असल्याचं राहुल गांधी म्हणाले. तीन हजार दरमहिना प्रत्येक महिलेच्या बँकेत हे सरकार टाकणार आहे. ही रक्कम बँक खात्यात महाराष्ट्रातील महिलांना खटाखट खटाखट टाकणार.