Khamgaon Assembly Election 2024: बुधवारी महाराष्ट्राची विधानसभेची निवडणूक पार पडली असून २३ तारखेला म्हणजेच परवा मतमोजणी करण्यात येणार आहे. यावेळी यंदाची ५ वर्ष आता कोणात्या पक्षाची सत्ता येणार? कोणता उमेदवार निवडून येणार, कोण पडणार? असे बरेच प्रश्न नागरिकांच्या मनात आहेत. यावेळी सकाळचा एक्झिट पोल हाती आला आहे. यावेळी कोणत्या ठिकाणी कोणता संभाव्य आमदार असणार ते पाहूयात.

खामगाव मतदारसंघात भाजपचं पारडं जड दिसून येतंय. याठिकाणी भाजपचे प्रकाश फुंडकर उमेदवार आहेत. त्यांना काँग्रेसचे दिलीपकुमार सानंदा यांचं आव्हान आहे. मुळात खामगाव हा १५ वर्ष काँग्रेसचा बालेकिल्ला मानला जात होता. मात्र २०१४ मध्ये सगळी समीकरणं बदलली भाजपाने यामध्ये बाजी मारली.

आता तिसर्‍या वेळी देखील भाजपचे उमेदवार फुंडकर यांचं पारडं जड दिसून येतंय. यावेळी इतिहासात पहिल्यांदाच खामगावमध्ये ७६ टक्के मतदान झालं. यावेळी मतदारांचा कल काहीसा फुंडकर यांच्याकडे दिसून आला आहे. त्यामुळे फुंडकर यांची विजयाची हॅटट्रिक होऊ शकते, असं एक्झिट पोलमधून दिसून येतंय.

टिप: सकाळ समूहाच्या सर्व्हेतून एक्झिट पोलचे अंदाज वर्तवण्यात आलेले आहेत. ही फक्त प्राथमिक आकडेवारी आहे. २३ तारखेला राज्यात कुणाचं सरकार स्थापन होणार, याचं चित्र स्पष्ट होणार आहे.