मतदानापूर्वीचा दिवस राजकीय वर्तुळात फारच गाजला. विरारमधील विवांता हॉटेलमध्ये विनोद तावडे भाजपच्या कार्यकर्त्यांसोबत पैसे वाटत होते, असा आरोप करत बहुजन विकास आघाडीच्या कार्यकर्त्यांनी केला गेला. दरम्यान आज मतदानाचा दिवस असून वसई-विरार परिसरातील आमदार हितेंद्र ठाकूर यांनी त्यांच्या कुटुंबासह जाऊन मतदानाचा हक्क बजावला आहे. यावेळी हितेंद्र ठाकूर यांनी भाजपवर निशाणा देखील साधला आहे.

वसई विरार परिसरातील आमदार हितेंद्र ठाकूरसोबत मतदान केंद्रावर जाऊन मतदान केलं आहे. त्यांनी विरार पश्चिमेच्या जिल्हा परिषदेच्या नेहरू विद्यालयात मतदानाचा हक्क बजावला आहे. दरम्यान काल विरारमध्ये मोठा राडा पाहायला मिळाला. भाजप कडून पैसे वाटप करण्यात आले होते, असा आरोप बविआच्या कार्यकर्त्यांकडून करण्यात आला.

काय म्हणाले आमदार हितेंद्र ठाकूर?

या प्रकरणानंतर मतदानाच्या दिवशी हितेंद्र ठाकूर म्हणाले की, या निवडणूकीमध्ये आमचा विजय निच्छित आहे. मुळात लोकांचं प्रेम आशीर्वाद आमच्या सोबत आहे. विरोधी पक्षाने कितीही अमिष दाखवलं तरीही जनता बहुजन विकास आघाडी सोबत आहे, असं म्हणत ठाकूर यांनी भाजपवर निशाणा साधला आहे.

काय आहे नेमकं प्रकरणं?

भाजपचे राष्ट्रीय सरचिटणीस विनोद तावडे यांनी पैसे वाटल्याचा आरोप बहुजन विकास आघाडीच्या कार्यकर्त्यांनी केला होता. विनोद तावडेंना विरारमधील विवांता हॉटेलमध्ये घेराव घालण्यात होता. बविआचे आमदार हितेंद्र ठाकूर आणि क्षितीज ठाकूर यांनी तावडे पैसे वाटत असल्याचा गंभीर आरोप केला होता.

यावेळी विनोद तावडे यांच्याकडे ५ कोटी रुपये असल्याचा दावाही यावेळी करण्यात आला. दरम्यान भाजपचे नेते पैसे वाटत असल्याचा व्हिडिओ आणि बातम्या व्हायरल होताच विरोधी पक्षांनी भाजपवर जोरदार निशाणा साधला. राहुल गांधी यांनी ट्विट करत थेट पंतप्रधान नरेंद्र मोदींना याबाबत जाब विचारला.