सगळ्यांचा नाद करा मात्र माझा नाही असा थेट इशारा शरद पवार यांनी महायुतीला दिला होता.. या लोकांना साधंसुधं पाडायचं नाही तर जोरात पाडायचं असं आवाहनही शरद पवारांनी केलं होतं. त्यालाच बावनकुळेंनी प्रत्युत्तर दिलंय.

राज्यामध्ये विधानसभा निवडणुकीची रणधुमाळी सुरुए.लोकसभा निवडणुकीत मिळालेल्या यशानंतर शरद पवार स्वतः मैदानात उतरलेत. शरद पवारांचा प्रचारसभांचा धडाका सुरुए अशातच माढा विधानसभा मतदारसंघामधील प्रचारसभेत शरद पवारांनी चांगली फटकेबाजी करत महायुतीला इशारा दिलाय. तसंच पक्षाची साथ सोडून गेलेल्या नेत्यांवर टीकास्त्र डागलंय. तर भाजपचे प्रदेशाध्यक्ष चंद्रशेखर बावनकुळेंनींही पलटवार केलाय.

लोकसभा निवडणुकीपूर्वी राष्ट्रवादीत उभी फूट पडली.त्यानंतरच्या लोकसभा निवडणुकीत शरद पवारांच्या राष्ट्रवादीनं 10 पैकी 8 जागा जिंकल्या. या यशानंतर शरद पवारांनी राज्यातील दुष्काळी भागाचा दौरा केला. मतांची पेरणी केली. त्यानंतर सातत्यानं विधानसभेच्या अनुषंगानं दौरे केले.

त्यानंतर पवार सातत्यानं आक्रमक भूमिका मांडत भाजपला आणि महायुतीला टार्गेट करतायत. सत्ता बदलल्याशिवाय स्वस्थ बसणार नसल्याचं आधीच पवारांनी स्पष्ट केलंय. त्यामुळे पवारांनी महायुतीला दिलेला इशारा महायुतीला आणि विशेषतः भाजपची डोकेदुखी वाढवणार का हेच पाहायचं..