धाराशिव: ओमराजे निंबाळकर यांच्या प्रचारासाठी त्यांनी धाराशिवच्या कन्या प्रशालेच्या मैदानावर सभा घेतली. या सभेतून उद्धव ठाकरेंनी सुरुवातीपासूनच पंतप्रधान नरेंद्र मोदींवर हल्लाबोल केला. निवडणूक प्रचार करताना पंतप्रधान धर्म, आरक्षण, काश्मीर, राम मंदिराचा मुद्दा उपस्थित करत निवडणुकीचा प्रचार करत आहेत. त्याला उद्धव ठाकरेंनी जोरदार उत्तर देत मोदींना १० वर्षात केलेल्या कामांचा माहिती मागितली. दहा वर्षापूर्वी चहावर चर्चा केली, आता कामावर चर्चा करा, असा सवाल उद्धव ठाकरेंनी केलाय.