- अभिजीत देशमुख

Kalyan Lok Sabha Election :

कल्याण लाेकसभा मतदारसंघ हा युतीचा बालेकिल्ला आहे. महायुतीचे सर्व घटक पक्ष एकत्र आलेत. ही युती विरोधकांना पोटात पोटसूळ उठवण्याचे काम करत आहे म्हणून खोटे आरोप करायचे, अफवा पसरायचं काम विरोधकांना राहिल्याचा टोला खासदार श्रीकांत शिंदे यांनी लगावला. विरोधकांना टोमणे, टीका करण्याशिवाय कुठला पर्याय उरला नाही, टोमणे जास्त आहेत. टोमणेवीर जन्माला आलेत टीका करण्यामध्ये आणि टोमणे मारण्यामध्ये त्यांना धन्यता वाटते आम्ही आमचं काम करत राहू असं खासदार शिंदेंनी नमूद केले. (Maharashtra Lok Sabha Election News in Marathi)

खासदार श्रीकांत शिंदे यांनी आज लोकसभेच्या निवडणुकीसाठीचा उमेदवारी अर्ज दाखल केला. त्यापूर्वी महायुतीच्या वतीने रॅली काढण्यात आली. या रॅलीत खासदार श्रीकांत शिंदे यांनी गदा फिरवून, शिवसेनेचा झेंडा हातात घेऊन ताे फडकवत या मतदारसंघात मताधिक्याने विजयी मिळविणार असे नमूद केले. श्रीकांत शिंदे यांच्यासोबत मुख्यमंत्री एकनाथ शिंदे यांच्यासह त्यांचे कुटुंब देखील उपस्थित होते. आई लता शिंदे यांनी श्रीकांत शिंदे यांना शुभेच्छा दिल्या.

श्रीकांत शिंदे म्हणाले मुख्यमंत्री एकनाथ शिंदे यांच्या नेतृत्वाखाली महाराष्ट्रातील कानाकोपऱ्यातून पदाधिकारी कार्यकर्ते रोज शिवसेनेत प्रवेश करताहेत. इतके कार्यकर्ते पदाधिकारी आपल्याला सोडून का जाताहेत यात त्यांनी आत्मपरीक्षण केले पाहिजे असा सल्ला श्रीकांत शिंदे यांनी उद्धव ठाकरे यांना दिला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar