भरत मोहळकर, साम प्रतिनिधी

मुंबई: देशात लोकसभेच्या निकालाची उत्सुकता जेवढी सामान्य जनतेला लागलीय. तेवढीच शेअर मार्केटमधील गुंतवणूकदारांना लागलीय. भाजपविरोधातील वातावरणामुळे शेअर मार्केटवर चिंतेचे ढग जमा झाले होते. मात्र पंतप्रधान मोदी आणि अमित शहांनी 4 जूनला शेअर मार्केट रेकॉर्ड ब्रेक उसळी घेणार असल्याचा दावा केलाय. राजकीय समीकरणांवर शेअर मार्केटचं गणित कसं अवलंबून असेल यावर बर्नस्टिन यांच्या रिपोर्टमधून विश्लेषण करण्यात आलंय.

देशात लोकसभेच्या निकालाची उत्सुकता जेवढी सामान्य जनतेला लागलीय. तेवढीच शेअर मार्केटमधील गुंतवणूकदारांना लागलीय. भाजपविरोधातील वातावरणामुळे शेअर मार्केटवर चिंतेचे ढग जमा झाले होते. मात्र पंतप्रधान मोदी आणि अमित शहांनी 4 जूनला शेअर मार्केट रेकॉर्ड ब्रेक उसळी घेणार असल्याचा दावा केलाय. राजकीय समीकरणांवर शेअर मार्केटचं गणित कसं अवलंबून असेल यावर बर्नस्टिन यांच्या रिपोर्टमधून विश्लेषण करण्यात आलंय.

पहिल्या शक्यतेचा परिणाम

भाजपला 240 आणि NDA ला 270 पेक्षा कमी जागा मिळाल्या तर सरकार रस्ता, विमानतळ, रेल्वे बनवण्याऐवजी रेवडी वाटण्याचं काम करेल. त्यामुळे असा निकाल आल्यास शेअर मार्केटमध्ये मोठ्या प्रमाणावर प्रॉफिट बुकिंग होईल. तसंच वर्षभरात कमी रिटर्न मिळण्याची शक्यता.

दुस-या शक्यतेचा परिणाम

भाजप 240 ते 260 आणि एनडीएने 270 ते 290 जागा जिंकल्यास मोठ्या प्रमाणावर शेअर्सची विक्री होईल. त्यामुळे वर्षभरात रिटर्न सिंगल डिजीटमध्ये राहण्याचा अंदाज.

तिस-या शक्यतेचा परिणाम

भाजपला 290 पेक्षा जास्त आणि एनडीएला 340 पेक्षा अधिक जागा मिळाल्यास शेअर मार्केट तेजीत असेल. तर वर्षभराचं रिटर्न दोन अंकी असेल.

एकीकडे भाजपच्या बहुमताच्या अंदाजाने शेअर मार्केटमध्ये उसळी घेण्याचा अंदाज वर्तवला जातोय. तर दुसरीकडे जेफरीजच्या क्रिस वूडच्या अहवालात भाजप पराभूत झालं तर काय होऊ शकतं यावर भाष्य केलंय.

2004 प्रमाणे निकाल लागण्याची शक्यता अत्यंत कमी आहे.

2004 मध्ये दोन दिवसांत शेअर मार्केट 17 टक्क्यांनी कोसळलं होतं.

भाजप पराभूत झाल्यास शेअर मार्केटमध्ये मोठी पडझड होईल.

2019 इतक्या जागा भाजपने जिंकल्यास सरकार स्थिर असेल.

त्यामुळे शेअर मार्केटऐवजी भांडवली टॅक्सवाढीसाठी धोक्याची घंटा असेल.

शॉर्ट टर्म कॅपिटल गेन टॅक्स 15 टक्के तर लाँग टर्म 10 टक्के होण्याची चर्चा आहे.

वाढलेल्या ऑप्शन ट्रेडिंगवरून सरकार पावलं उचलण्याची शक्यता आहे.

भाजपचं सरकार बहुमताने आलं तर त्याचा परिणाम शेअर मार्केटच्या विक्रमी तेजीत असेल. मात्र गुंतवणूकदारांनी खबरदारी घेऊनच गुंतवणूक करण्याचा सल्ला तज्ज्ञांनी दिलाय. लोकसभा निकालाच्या अंदाजावरून शेअर मार्केटमधील चिंता काहीशी कमी झालीय. त्यामुळे निवडणूकीच्या दिवशीचा विचार केला नाही तर कोणतंच नुकसान होत नसल्याचं जाणकार सांगतात. मात्र शेअर मार्केट गडगडणार की उसळी घेणार हे मात्र 4 जूनच्या निकालानंतरच स्पष्ट होणार.