मी निवडून येणारच,निकालाआधी केलेला हा दावा राजाभाऊ वाजेंनी खरा ठरवत विजयावर शिक्कामोर्तब केलं. शिवसेना विरुद्ध शिवसेना अशा झालेल्या लढतीत राजभाऊ वाजेंचा विजय झाला. तीनदा खासदारकी निवडून येणाऱ्या हेमंत गोडसेंना 1,61,103 लाख मतांच्या फराकने पराभूत करत विजयाची मशाल पेटवली.

राज्यातील लोकसभा निवडणुकीत नाशिक मतदारसंघ सर्वात जास्त चर्चेत राहिलेला होता. नाशिक मतदारसंघात महाविकास आघाडीचे उमेदवार राजाभाऊ वाजेंसमोर हेमंत गोडसेंचं आव्हान होतं. वाजेंच्या विजयाने महायुतीला मोठा फटका बसलाय. आपण आकडेमोड करणार नाही. मात्र आपल्याला विजयाची खात्री आहे. उद्याचा निकाल हा माझ्या बाजूने लागेल, असा विश्वास राजाभाऊ वाजेंनी निकालाआधी वर्तवला होता.

दरम्यान नाशिक मतदारसंघात शिवसेनाविरुद्ध शिवसेना अशी लढत होती. आधी नकार दिल्यानंतर अखेरच्या वेळी हेमंत गोडसेंना तिकीट देण्यात आले. तीन टर्मपासून खासदार असलेले गोडसे हे जिंकतील, अशी आशा शिंदे गटाच्या शिवसेनेला होती मात्र दगड जनसंपर्क असलेल्या वाजेंसमोर गोडसेंचा टिकाव लागला नाही. शिंदे सेनेचे उमेदवार हेमंत गोडसे यांची यांची नवव्या फेरी अखेरीस बिकट अवस्था झाली होती. या फेरीत वाजेंनी तब्बल १ लाख मतांनी आघाडी घेतली होती.