अभिजीत सोनवणे साम टीव्ही, नाशिक

नाशिकमधून मोठी बातमी समोर येत आहे. हेमंत गोडसे, राजाभाऊ वाजे, शांतीगिरी महाराजांसह भास्कर भगरेंना निवडणूक निर्णय अधिकाऱ्यांनी नोटीस बजावली आहे. आपण नेमकं प्रकरण काय आहे, ते पाहू या. निवडणूक विभागाची पूर्व परवानगी न घेताच सोशल मीडियावर प्रचार केल्याचं नाशिकमध्ये (Nashik Lok Sabha Costituency) समोर आलं आहे.

याप्रकरणी निवडणूक आयोगाने कारवाई केली आहे. निवडणूक निर्णय अधिकाऱ्यांनी हेमंत गोडसे, राजाभाऊ वाजे, शांतीगिरी महाराजांसह (Shantigiri Maharaj) भास्कर भगरेंना नोटीस दिली आहे. त्यांना पुढील ४८ तासांमध्ये खुलासा करण्याचे आदेश निवडणूक ( Election Commision Notice) निर्णय अधिकाऱ्यांनी दिले आहेत. खुलासा प्राप्त झाल्यावर पुढील कार्यवाही करणार असल्याची माहिती मिळत आहे.

लोकसभा निवडणुकीच्या प्रचारासह खर्चावर लक्ष ठेवण्यासाठी ऑनलाईन आणि ऑफलाईन निरीक्षक कार्यरत करण्यात आले आहेत. निवडणुकीच्या काळात उमेदवारांनी सोशल मीडियावर कोणत्याही प्रकारचे प्रसारण करताना त्याआधी निवडणूक अधिकाऱ्यांच्या माध्यम प्रमाणीकरण समितीची परवानगी घेणं आवश्यक आहे. परंतु नाशिकमध्ये या नियमाचं उल्लंघन झाल्याचं समोर आलंय. उमेदवारांकडून विना परवानगी सोशल मीडियावर प्रचार होत असल्याचं निदर्शनास आलं. त्यानंतर सोशल मीडियावरील प्रचार थांबवत ४८ तासांत खुलासा करण्याचे आदेश दिले आहेत.

नाशिकमध्ये अंतिम टप्प्यात मतदान पार पडणार आहे. २० मे रोजी मतदान प्रक्रिया होणार आहे. त्याअगोदर निवडणुक अधिकाऱ्यांनी ही कारवाई केली आहे. मतदान प्रक्रिया पारदर्शक व्हावी, यासाठी निवडणूक आयोग प्रयत्न करत आहे. आता पूर्वपरवानगी न घेता प्रचार करणं नाशिक आणि दिंडोरी संघातील उमेदवारांना (Hemant Godse Rajabhau Waje) महागात पडलं आहे. त्यांना निवडणूक निर्णय अधिकाऱ्यांनी नोटीस बजावली आहे. त्यामुळे जिल्ह्यात मोठी खळबळ उडाली आहे. आता हे उमेदवार निवडणूक आयोगाला काय उत्तर देणार, याकडे लक्ष लागलेलं आहे.