शिर्डी : राज्यातील शेतकरी आत्महत्या करत आहेत, त्यावर भाजप साधं 'आ' सुद्धा म्हणत नाही. शेतकऱ्यांच्या बायकोचं मंगळसूत्र तुटत आहे, त्यावर ते काही बोलत नाहीत. महाराष्ट्रातील कांदा उत्पादक शेतकऱ्यांवरही ते बोलत नाहीत. यामुळे मित्रांनो यांना सोडायचं नाही. या निवडणुकीत भाजपला, असा पडा की त्यांच्या नाकाला कांदा लावावा लागेल, असं म्हणत उद्धव ठाकरेंनी भाजपवर घणाघात चढवला.
उद्धव ठाकरे महाविकास आघाडीचे उमेदवार भाऊसाहेब वाकचौरे यांच्या प्रचारार्थ सभेत बोलत होते. शिर्डी लोकसभा मतदारसंघातील श्रीरामपूर शहरात सभेचे आयोजन करण्यात आले होते.यावेळी बोलतांना उद्धव ठाकरेंनी जीएसटी, महागाई, आशा सेविका, अदानी- अंबानी, मणिपूर अशा विषयावर उद्धव ठाकरेंनी भाजप आणि पंतप्रधान घाणाघाती टीका केली.
काँग्रेसचे सरकार असताना पंतप्रधान मनमोहन सिंग यांच्यावर महागाईवरून टीका केली जात होती.पंतप्रधानांनी महागाईचा म सुद्धा काढला नाही, अशी टीका मोदी मनमोहन सिंग यांच्यावर करत होते. आता स्वत:पंतप्रधान शिर्डीत आले होते, पण त्यांनी महागाईचा विषयसुद्धा घेतला नाही.भाजप गाईवर बोलतात मग महागाईवर का नाही, असा सवालही उद्धव ठाकरेंनी शिर्डीत केला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.