लोकसभा निवडणुकीच्या (Loksabha Election 2024) पार्श्वभूमीवर माढा लोकसभा मतदार (Madha Loksabha Constituency) संघ हा पश्चिम महाराष्ट्रामधील महत्वाचा मतदार संघ आहे. या मतदार संघाकडे संपूर्ण राज्याचे लक्ष लागले आहे. या मतदार संघामध्ये रोज नवनवीन घडामोडी घडत आहेत. अशामध्ये या मतदार संघामध्ये भाजपची ताकद वाढली आहेत. माळशिरस तालुका विकास आघाडीचे सोमनाथ वाघमोडे यांनी उपमुख्यमंत्री देवेंद्र फडणवीस यांची भेट घेतली. त्यामुळे उत्तम जानकर यांना मोठा धक्का बसला आहे.

माळशिरस तालुका विकास आघाडी पूर्ण ताकदीने भाजपासोबत राहणार आहे. त्यामुळे माढ्यात भाजपाची ताकद आणखी वाढली असल्याचे म्हटले जात आहे. देवेंद्र फडणवीस यांची ही आणखी एक मोठी खेळी असल्याचे म्हटले जात आहे. माळशिरस तालुका विकास आघाडीचे सोमनाथ वाघमोडे आणि त्यांच्या असंख्य पदाधिकार्‍यांनी देवेंद्र फडणवीस यांची पुण्यात भेट घेतली. यावेळी त्यांनी माढा मतदारसंघात भाजपाच्या बाजुने उभे राहण्याचे आश्वासन दिले.

रणजीतसिंह नाईक निंबाळकर यांच्यासाठी हा दिलासा आहे. पण उत्तम जानकर यांना हा मोठा धक्का आहे. देवेद्र फडणवीस यांच्यावर विश्वास ठेवून माढा लोकसभेचे उमेदवार रणजीतसिंह नाईक निंबाळकर यांना माळशीरस तालुका विकास आघाडीच्या माध्यमातून सर्व पक्षीत आघाडीच्या माध्यमातून पाठिंबा देत आहोत. रणजीतसिंह नाईक निंबाळकर यांना कसल्याही परिस्थितीमध्ये विजयी केल्याशिवाय राहणार नाही असा विश्वास त्यांनी व्यक्त केला आहे.