नवी दिल्ली: निवडणूक प्रचारादरम्यान ईशान्य दिल्लीतील काँग्रेस उमेदवार कन्हैया कुमार यांच्यावर हल्ला झाल्याची घटना घडलीय. या घटनेचा व्हिडिओही समोर आला आहे. या व्हिडिओमध्ये एक व्यक्ती कन्हैया कुमारला पुष्पहार घालण्याच्या बहाण्याने त्याच्याजवळ येतो आणि त्याला कानशिलात लगावतो. यावेळी त्याने कन्हैया कुमारवर शाईही फेकल्याचा सांगितलं जात आहे. यानंतर काँग्रेस कार्यकर्त्यांनी हल्ला करणाऱ्या व्यक्तीला पकडत त्याला चोप दिला.