- रणजीत माजगावकर

Kolhapur Lok Sabha Election :

गेले 27 वर्ष पक्षासाठी प्रामाणिकपणे काम करून देखील पक्षाने नाही न घेतल्याने काॅंग्रेस नेते बाजीराव खाडे (bajirao khade) यांनी आज (शुक्रवार) काेल्हापूर लाेकसभा मतदारसंघातून अपक्ष म्हणून उमेदवारी अर्ज भरला. यावेळी खाडे भावुक झाल्याचे पाहायला मिळाले. (Maharashtra Lok Sabha Election News in Marathi)

बाजीराव खाडे हे राष्ट्रीय काँग्रेसच्या 'टीम प्रियंका' मधील महत्त्वाचे व्यक्तिमत्व मानले जातात. बाजीराव खाडे यांना काॅंग्रेस पक्षातून कोल्हापूर लोकसभा निवडणुक लढवायची हाेती. परंतु काॅंग्रेसने त्यांना उमेदवारी दिली नाही.

अखेर कोल्हापूर लोकसभा मतदारसंघातून काँग्रेसचे राष्ट्रीय सचिव बाजीराव खाडे यांनी बंडखोरी केली. बाजीराव खाडे यांनी कोल्हापूर लोकसभा निवडणुकीसाठी अपक्ष म्हणून अर्ज दाखल केला. त्यावेळी खाडे यांना अश्रू अनावर झाल्याचे पाहयला मिळाले. गेले 27 वर्ष पक्षासाठी प्रामाणिकपणे काम करून देखील पक्षाने दखल घेतली नसल्याची खंड बाजीराव खाडे यांनी व्यक्त केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar