Yoga Tips :

सध्याच्या धावपळीच्या जीवनात स्वत:ला तंदुरुस्त ठेवणे प्रत्येकासाठी आव्हान बनले आहे. 10 ऑक्टोबर हा जागतिक मानसिक आरोग्य म्हणून जगभरात साजरा केला जातो. हा दिवस साजरा करण्यामागचा उद्देश शारीरिक दृष्ट्या आणि मानसिकदृष्ट्या निरोगी, तंदुरुस्त आणि आनंदी जीवन जगू शकता.

आजकाल अनेकजण शारीरिक आरोग्याव्यतिरिक्त, मानसिक आरोग्याच्या समस्यांशी देखील झुंजत आहेत. तुम्हाला या समस्येला सामोरे जाण्यासाठी दैनंदिन जीवनात योगाचा (Yoga) समावेश करणे आवश्यक आहे. मनाला शांत आणि निरोगी Healthy ठेवण्याचे अनेक मार्ग असले तरी योगासने यात खूप महत्त्वाची भूमिका बजावते. दररोज फक्त 15-20 मिनिटे केल्याने, आपण आपल्या शरीरासह आपले मन रिचार्ज करता येते.

भुजंगासन

भुजंगासन हे असे आसन आहे जे शरीराला अनेक प्रकारे फायदेशीर (Benefits) ठरते. हे आसन पोटाची चरबी कमी करण्यासाठी, पाठदुखी कमी करण्यासाठी आणि मानसिक शांती देण्यासाठी खूप प्रभावी आहे.

• भुजंगासन करण्यासाठी, योगा चटईवर पोटावर झोपा.

• दोन्ही हात छातीच्या पातळीवर जमिनीवर ठेवा.

• आता श्वास घेताना दोन्ही हातांवर भार टाकून शरीर वर करा आणि डोके मागे हलवा.

• कमरेखालील भाग जमिनीला स्पर्श करणारा असावा.

• हे आसन 20 ते 30 सेकंद धरून ठेवा.

ब्रिज पोज

ब्रिज पोज म्हणजेच सेतुबंधासन. या आसनाचा सराव केल्याने शरीरच नाही तर मनही तंदुरुस्त राहते. सकाळी थोडा वेळ हे करा आणि मग पाहा दिवसभर तुम्ही कसे चार्ज होतात.

• सेतुबंधासन करण्यासाठी पाठीवर झोपा.आता गुडघे वाकवून कंबर आणि नितंबाचा भाग जमिनीपासून वर उचला.

• या स्थितीत असताना, 15 ते 20 वेळा श्वास घ्या आणि बाहेर टाका.

उत्तानासन

उत्तानासन करताना संपूर्ण शरीर वरपासून खालपर्यंत चांगले ताणले जाते. जे केवळ स्नायूंचाच नाही तर मनाचा ताणही दूर करते. त्यामुळे तुमचे मन निरोगी ठेवण्यासाठी तुम्हीही या आसनाची मदत घेऊ शकता.

• उत्तानासन करण्यासाठी चटईवर सरळ उभे रहा.

• दीर्घ श्वास घेऊन दोन्ही हात वर करा.

• हळूहळू श्वास सोडताना कमरेपासून शरीर खाली वाकवा आणि हाताने बोटांना स्पर्श करण्याचा प्रयत्न करा.

• किमान 50 सेकंद या आसनात राहण्याचा प्रयत्न करा.

जानुशीर्षासन

जानुशीर्षासन केल्याने मन शांत राहते. याशिवाय हे आसन नैराश्य, थकवा, चिंता, डोकेदुखी आणि निद्रानाश या लक्षणांपासूनही आराम देते.

• यासाठी चटईवर दोन्ही पाय समोर ठेवून बसा.

• आता तुमचा उजवा पाय वाकवून डाव्या पायाच्या मांडीजवळ ठेवा आणि श्वास घेऊन दोन्ही हात वरच्या दिशेने सरळ करा.

• श्वास सोडताना शरीराला पुढे वाकवून डाव्या पायाची बोटे धरण्याचा प्रयत्न करा. या स्थितीत डोके डाव्या पायाच्या गुडघ्यावर ठेवावे लागते.

• या आसनात असताना 5 ते 10 वेळा श्वास घ्या आणि सोडा.

ध्यान आणि प्राणायाम

ध्यान आणि प्राणायाम देखील खूप महत्वाचे आहेत. योग करताना आपण आपला श्वास रोखून धरला पाहिजे आणि त्या दरम्यान शरीराच्या 7 प्रमुख बिंदूंवर लक्ष केंद्रित केले पाहिजे. दररोज ध्यान आणि प्राणायाम करणे खूप महत्वाचे आहे. प्राणायाम केल्याने आपल्या मेंदूला अतिरिक्त ऑक्सिजन मिळतो, ज्यामुळे आपले मानसिक आरोग्य सुधारण्यास मदत होते. तज्ज्ञांच्या मते, अपूर्ण योगासने केल्याने शरीर आणि मनाला पूर्ण लाभ मिळत नाही. त्यामुळे वेळ काढून योगासने करावीत.