Shocking : महाराष्ट्र हादरला! मुलाने केली वडिलांची हत्या, धक्कादायक कारण समोर

भंडाऱ्यातून नात्याला काळिमा फासणारी धक्कदायक घटना समोर आली आहे. एका तरुण मुलाने तुम्ही आमच्यासाठी काय केलं? विचारत वडिलांची हत्या केली आहे. या घटनेने परिसरात भीतीचे वातावरण निर्माण झाले असून या हल्ल्यात पुरुषोत्तम विश्वनाथ कुंभलवार यांचा जागीच मृत्यू झाला आहे. तसेच मृत पुरुषोत्तम यांचा मुलगा प्रदीप कुंभलवार याला पोलिसांनी ताब्यात घेतले आहे.

पोलिसांनी दिलेल्या माहितीनुसार, भंडाऱ्यातील लाखांदूर तालुक्यातील आथली गावात राहणाऱ्या कुंभलवार यांचे वारंवार कौटुंबिक वाद होत होते. घटनेच्या दिवशी नेहमीप्रमाणे प्रदीप आणि त्याच्या वडिलांमध्ये वाद झाला. या वादात प्रदीपने वडिलांना तुम्ही आमच्यासाठी काय केलं? आमचं लग्न तरी लावून दिलं का ? असा उलट सवाल विचारला. हा वाद इतका विकोपाला पेटला की प्रदीपने चक्क स्वयंपाक खोलीत असलेल्या विटेचा तुकडा हातात धरत वडिलांच्या डोक्यावर चक्क फेकून मारला.

या हल्ल्यात पुरुषोत्तम यांचा भरपूर प्रमाणात रक्तस्त्राव झाल्याने त्यांचा जागीच मृत्यू झाला. या घटनेनंतर मृत व्यक्तीच्या पत्नीने पोलीस ठाण्यात आपल्या मुलाविरोधात तक्रार दाखल केली. सदर घटनेची माहिती मिळताच लाखांदूर पोलीस ठाण्याचे अधिकारी घटनास्थळी पोहोचले व पंचनामा करून मृतदेह पुढील तपासासाठी हलविण्यात आला.

सदर घटनेची फिर्याद मृतकच्या पत्नीने दिली असून आरोपीविरुद्ध खूनाचा गुन्हा नोंदविण्यात आला आहे. लाखांदूर पोलिसांनी आरोपी प्रदीप पुरुषोत्तम कुंभलवार याला बेड्या ठोकल्या आहेत. तसेच या घटनेचा पुढील तपास सुरू आहे. या घटनेने परिसरात भीतीचे वातावरण निर्माण झाले असून मुलाच्या नात्याला काळिमा फासणारी ही घटना ठरली आहे.