Women Health : दिवसभर कामाच्या गडबडीमुळे किंवा घरकामामुळे स्त्रियांना अनेकदा स्वत:साठी वेळ मिळत नाही. यामुळे त्यांचे त्यांच्या आरोग्याकडे सतत दुर्लक्ष होते. याचे सर्वात मुख्य कारण म्हणजे वेळेचा अभाव, काम किंवा घरातील ताण, लैंगिक आरोग्य यामुळे देखील त्या सतत चिंतेत असतात.

स्त्रियांसाठी हे जाणून घेणे महत्त्वाचे आहे की त्यांना वरवर सामान्य दिसणार्‍या आरोग्याच्या समस्या ही येणा-या मोठ्या समस्येचे कारण असू शकते. आज आपण याबद्दल जाणून घेऊया ज्यामुळे तुम्हाला आरोग्याच्या समस्या जाणवणार नाही

महिलांनी या समस्यांकडे कधीही दुर्लक्ष करू नये

1. अचनाक वजन कमी होणे -

अचानक वजन कमी झाल्यावर महिला अधिक आनंदी असतात परंतु, Mfine नुसार ते टीबी, कर्करोग किंवा थायरॉईड सारख्या आजारांचे लक्षण असू शकते. एवढेच नाही तर अचानक वजन वाढल्यास ते PCOD किंवा थायरॉईडमुळे असू शकते.

2. सततचा थकवा येणे-

8 तासांची झोप घेऊनही थकवा जाणवत असेल तर त्याकडे दुर्लक्ष करू नका. कारण ते हृदय, मूत्रपिंड, यकृत, रक्त किंवा प्रजनन समस्यांचे लक्षण असू शकते.

3. चक्कर येणे व डोकेदुखी -

थकव्यामुळे चक्कर येणे, डोकेदुखी किंवा श्वासोच्छवासाचा त्रास होत असेल तर त्याचे एक कारण तणाव असू शकते. पण जर हे लक्षण जास्त दिसले तर ते जीवनसत्त्वे (Vitamins) आणि लोहाच्या कमतरतेमुळे असू शकते. याशिवाय, हे तुमच्या हृदयातील समस्येचे कारण देखील असू शकते.

4. जास्त केस गळणे-

दिवसातून 50 ते 100 वेळा केस गळणे सामान्य आहे पण जर जास्त केस गळत असतील तर ते ऑटो इम्यून सिस्टम डिसऑर्डर किंवा थायरॉईडचे लक्षण देखील असू शकते.

5. गॅसची समस्या-

मासिक पाळीच्या आधी महिलांमध्ये (Women) गॅसची समस्या ही एक सामान्य समस्या आहे. पण जर तो बराच काळ टिकला आणि त्यासोबतच वायू तयार होणे, वेदना होणे, जास्त रक्तस्त्राव होणे इत्यादी होत असेल तर ते एंडोमेट्रिओसिसचे लक्षण असू शकते. त्यामुळे गर्भाशयाचा कर्करोगही होऊ शकतो.

6. मासिक पाळीत वारंवार होणारे बदल-

ही देखील एक अतिशय सामान्य समस्या आहे जी कोणत्याही स्त्रीला होऊ शकते. परंतु कधीकधी ही लक्षणे गर्भाशयाच्या फायब्रॉइड्स, पॉलीसिस्टिक ओव्हेरियन सिंड्रोम, थायरॉईड समस्यांमुळे देखील असू शकतात.