Winter Skin Care : सौंदर्य जपणे कोणाला आवडत नाही. प्रत्येकाला असे वाटते की, आपण सुंदर दिसावे. सुंदर दिसण्यासाठी आपण बऱ्याच गोष्टी करत असतो. अनेक रासायनिक पदार्थांचा वापर देखील करतो परंतु, काही वेळेस याचा आपल्या त्वचेवर दुष्परिणाम देखील होतो. (Latest Marathi News)

अवघ्या काही दिवसात हिवाळा सुरु होईल अशावेळी आपण आपल्या त्वचेची काळजी अधिक चांगल्या पध्दतीने घ्यायला हवी. या काळात आपली त्वचा अधिक कोरडी पडू लागते. दिवसभर आपण कामात व्यस्त असल्यामुळे रात्रीच्या वेळी आपण आपल्या त्वचेकडे अधिक लक्ष द्यायला हवे. त्यासाठी रात्रीच्या वेळी आपण त्वचेची काळजी (Care) कशी घ्यायल हे जाणून घेऊया.

1. चेहरा स्वच्छ करा (How To Cleanse Face)

रात्री झोपण्यापूर्वी चेहरा नेहमी स्वच्छ करा. दिवसभर काम केल्यामुळे त्वचेवर धूळ साचते. चेहरा स्वच्छ नसेल तर अनेक समस्या निर्माण होतात. बहुतेक महिला त्वचेला (Skin) मेकअप करतात. अशा परिस्थितीत, चेहरा स्वच्छ करणे खूप महत्वाचे आहे, कारण त्यात रासायनिक उत्पादने वापरली जातात, ज्यामुळे त्वचेचे नुकसान होते.

2. चेहरा एक्सफोलिएट कसा करायचा (How To Exfoliate Face)

हिवाळ्यातही त्वचा एक्सफोलिएट करावी. त्यामुळे चकचकीत त्वचा काढून टाकण्यास मदत करते. त्वचेला सौम्य एक्सफोलिएशन करा. असे आठवड्यातून 2-3 वेळा करा. सतत एक्सफोलिएशन केल्यास त्वचेला इजा होऊ शकते. यासाठी तुम्ही घरगुती वस्तू वापरू शकता. ओट्स आणि कॉफी हा एक चांगला पर्याय आहे. ते दूध किंवा खोबरेल तेलात मिसळा. तुम्ही तुमच्या त्वचेच्या प्रकारानुसार स्क्रब खरेदी करा.

3. मसाज करा (How To Massage Face)

त्वचेला मसाज करा. विशेषत: जर तुमची त्वचा एक्सफोलिएटेड असेल. मसाज केल्याने त्वचेची डीप कंडिशनिंग होते. तुम्हाला हवे असल्यास तुम्ही एलोवेरा जेलनेही मसाज करू शकता. त्यानंतर चेहरा धुवा.

4. मॉइश्चरायझर महत्त्वाचे - (Why Moisturizer Is Important)

कोरड्या त्वचेची समस्या हिवाळ्यात सर्वात जास्त असते. त्यामुळे त्वचेला मॉइश्चरायझ करणे आवश्यक आहे. तुम्ही अल्ट्रा-हायड्रेटिंग क्रीम वापरावे. त्वचेची काळजी घेण्याच्या आपल्या दिनचर्येतील ही सर्वात महत्त्वाची पायरी आहे. तसेच बऱ्याच स्त्रिया केवळ त्वचेची काळजी घेतात. हात आणि पाय विसरून जातात. त्वचेसोबतच हात आणि पायांनाही मॉइश्चरायझेशन करावे. यामुळे त्वचा मुलायम राहते. तुम्ही प्रत्येक वेळी क्रीम खरेदी करू शकत नसल्यास, त्याऐवजी तुम्ही नारळाचे तेल वापरू शकता.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.