How To Make Ginger Garlic Soup :

बदल्या हवामानात मुलांची रोगप्रतिकारशक्ती कमकुवत होते. त्यामुळे आरोग्यावर त्याचा परिणाम होतो. वातावरणातील गारव्यामुळे मुलांना सर्दी, खोकला यांचा अधिक त्रास होतो. जर तुम्हाला देखील सर्दी खोकला यापासून आराम मिळवायचा असेल तर आलं लसणाचे सूप ट्राय करा.

आले लसूण (Garlic) केवळ चवीसाठीच नाही तर आरोग्यासाठी देखील फायदेशीर आहे. यामध्ये अधिक प्रमाणात अँटी-ऑक्सिडंट्सचे प्रमाण आहे. जे सर्दी, खोकला सारख्या ससंर्गजन्य आजारांपासून बचाव करतात. हे सूप बनवायचे कसे पाहूया रेसिपी (Recipes).

1. साहित्य

• २ चमचे आले-लसूण बारीक चिरलेले

• २ चमचे गाजराचे बारीक तुकडे

• २ चमचे हिरवा वाटाणा

• २ चमचे मक्याचे दाणे

• २-३ चमचे बारीक चिरलेला कोबी

• १ चमचा तेल (Oil)

• चवीपुरते मीठ

• १ चमचा कॉर्न फ्लॉवर

• १ चमचा ठेचलेला लसूण

2. कृती

• सूप बनवण्यासाठी सर्वात आधी पॅनमध्ये तेल गरम करुन घ्या. नंतर त्यात आलं आणि लसूण टाका.

• नंतर त्यात गाजर, वाटाणा, मक्याचे दाणे, कोबी टाका.

• त्यात पाणी आणि मीठ घाला आणि वरुन ठेचलेला लसूण टाका.

• हे मिश्रण भाज्या शिजेपर्यंत चांगले उकळून घ्या.

• त्यात कॉर्न फ्लॉवर टाका आणि गरमा गरम सर्व्ह करा.