भारतात मोठ्या प्रमाणात महाशिवरात्री साजरी केली जाते. हा दिवस सगळ्या शिवभक्तांसाठी खास असतो. दरवर्षी माघ महिन्याच्या कृष्ण पक्षाच्या चतुर्दशी तिथीला हा भव्य दिवस साजरा केला जातो. यंदा महाशिवरात्री २६ फेब्रुवारी २०२५ ला साजरी केली जाणार आहे. या दिवशी लोक भगवान शंकराची पूजा करतात. त्याचसोबत व्रत सुद्धा करतात. त्याने आपल्या मनोकामना शंकर भगवान पुर्ण होतात. मात्र त्याची योग्य पद्धत काय? हे अनेकांना माहित नाही.

२६ फेब्रुवारी २०२५ रोजी महाशिवरात्रीला व्रत करताना काही नियम समजून घेणे महत्वाचे आहे. त्यात तुम्ही निर्जळी उपवास करणार नसाल तर तुम्ही कोणत्या पदार्थाचे सेवन करावे किंवा करू नये? हे जाणून घेणार आहोत.

महाशिवरात्रीच्या उपवासात आपण कोणते पदार्थ खाऊ शकतो?

महाशिवरात्रीला तुम्ही उपवास करणार असाल तर काही फळांचा समावेश करावा. जसे की, सफरचंद, केळी, संत्री, डाळींब इ. फळांनी तुमच्या शरीरात ऊर्जा मिळते आणि पोट अधिक काळ भरलेले राहते.

बटाटा उपवासात खाऊ शकतो का?

हो, तुम्ही महाशिवरात्रीला उपवासात बटाट्यांचे सेवन करू शकता. तुम्ही हलका मसाला आणि मीठ बटाट्याला लावून दम आलू तयार करून खावू शकता.

दुधाचे कोणते पदार्थ उपवासात खाऊ शकतो?

तुम्ही महाशिवरात्रीला उपवास करताना दूध, दही, पनीर, छास या पदार्थांचे सेवन करू शकतो. सोबत तुम्ही धणे, बडीशेप, बदाम, काजू, मणुके, अखरोड, मखाणे या सगळ्या पदार्थांचे सेवन करू शकता.

महाशिवरात्रीला उपवास करताना कोणते पदार्थ खाऊ नये?

महाशिवरात्रीला व्रत करताना कधीही लसूण, कांदा या दोन पदार्थांचे सेवन करू नये. त्याचसोबत पांढरे मीठ सुद्धा सेवन करू नका. त्याऐवजी काळं मीठ तुम्ही सेवन करू शकता. तसेच उपवासाला तांदूळ, गहू, बाजरी, ज्वारी, चणा डाळ, राजमा, मटर या पदार्थांचे सेवन करू नये. तसेच कोणताच मांसाहारी पदार्थ खाऊ नये.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.