Meta Company Ban WhatsApp Accounts :

जर तुम्ही व्हॉट्सअ‍ॅपचा वापर करत असाल तर तुमच्यासाठी ही बातमी महत्त्वाची आहे. या सोशल मीडिया साईटवरुन ऑनलाइन स्कॅमच्या आणि फ्रॉडच्या घटना घडत आहे. या घटनांवर पायबंद घालण्यासाठी मेटा कंपनीने मोठी कारवाई केलीय. व्हॉट्स अ‍ॅपच्या मेटा कंपनीने तब्बल ६९ लाख अकाउंट्स बंद केली आहेत. कंपनीने हे याविषयीची माहिती दिलीय. मेटा कंपनीने ही कारवाई का केली याची माहिती जाणून घेऊ..(Latest News)

ऑनलाइन फ्रॉड आणि स्कॅमच्या घटना थांबवण्यासाठी मेटा कंपनीने अशा संशयित व्हॉट्स अ‍ॅप अकाउंट्सवर नजर ठेवून आहे. जे वापरकर्ते व्हॉट्सअ‍ॅपच्या नियमांचे पालन करत नाहीत,अशा अकाउंट्सवर कारवाई केली जात आहे. यासंदर्भात माहिती देताना कंपनीने सांगितले की, जे ग्राहक माहिती तंत्रज्ञान मंत्रालयाचे नवीन नियम पाळत नाहीत.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्या नियमांचे उल्लंघन करत आहेत, अशा ६९ लाख व्हॉट्सअ‍ॅप अकाउंट्सला बंद करण्यात आले आहे. ही खाती बंद करण्याची कारवाई डिसेंबर २०२३ च्या महिन्यात केली होती.जे ग्राहक प्रायव्हेसी पॉलिसी पाळत नाहीत, त्यांची खाती बंद करण्यात आली आहेत. यानुसार मेटा कंपनीने तब्बल ६९,३४,००० अकाउंट्स बंद केली आहेत. कंपनीने महिन्याच्या कम्पाइलेंस रिपोर्टमध्ये सांगितलं की, याआधी १६ लाख ५८ हजार अकाउंट्स रद्द करण्यात आली होती.

गेल्या काही महिन्यांपासून व्हॉट्सअ‍ॅप फ्रॉड आणि स्कॅमच्या घटनांमध्ये वाढ झालीय. याला पायबंद घालण्यासाठी कंपनी व्हॉट्सअ‍ॅप अकाउंट्सवर नजर ठेवत आहे. डिसेंबर महिन्यात ७१ लाख खाती रद्द केली होती. तर डिसेंबर महिन्यात सर्वाधिक १६,३६६ रिपोर्ट मिळल्याचं कंपनीने आपल्या रिपोर्टमध्ये म्हटलं आहे.