मुंबई : जगभरात मायग्रेनचा त्रास सध्या वाढताना दिसत आहे. यामध्ये सतत डोकेदुखी, मळमळणे, उलटी येणे व चक्कर सारखी समस्या उद्भवू लागते.

हे देखील पहा -

मायग्रेन हा सतत डोकेदुखीचा त्रास वाढवणारा गंभीर आजार आहे. कधी डोक्याच्या एका बाजूला दुखणे किंवा दोन्ही बाजूंना जाणवतो. मायग्रेनचा झटका आल्यानंतर अंधारी येणे, मळमळणे, प्रकाश सहन न होणे, चेहऱ्याला झिणझिण्या आल्यासारखे वाटणे ही लक्षणे दिसून येतात. तसेच मायग्रेनचा झटका आल्यानंतर शरीराचा अर्धा भाग कधी कधी काम करत नाही. अशावेळी आपण त्वरीत डॉक्टरांचा (Doctor) सल्ला घ्यावा.

मायग्रेनच्या त्रासाचे कारण काय ?

मायग्रेनची समस्या ही युवा पिढीमध्ये अधिक प्रमाणात वाढताना दिसून येत आहे. १८ ते ३० वयांचा तरुणांनी यासाठी विशेष काळजी घ्यावी. यांचे प्रमुख कारण आपली बदलेली जीवनशैली, अपुरी झोप, काम करण्याच्या वेळा व खाण्यापिण्याच्या सवयी यामुळे मायग्रेनचा त्रास जाणवू लागतो. सध्या कोरोनाच्या (Corona) काळात याचे वाढलेले प्रमाण दिसून आले आहे.

उपाय -

मायग्रेनला आपण वेळीच रोखू शकतो हा आजार बदलेल्या जीवनशैलीमुळे होतो. यासाठी आपण आपल्या बदलेल्या जीवनशैलीकडे विशेष लक्ष द्यायला हवे. झोपण्याच्या व उठण्याच्या सवयीत बदल करा. आपल्या शरीरातील ग्लूकोज वाढवण्यासाठी दर २ ते ३ तासांनी खायला हवी. अधिक वेळ उपाशी राहू नका त्यामुळे त्रास वाढू शकतो. मायग्रेनच्या समस्यापासून सुटका मिळवण्यासाठी योग किंवा मेडिटेशनचा वापर आपण करु शकतो.

उपचार -

मायग्रेनवर आपण औषधोपचारांनी आराम मिळवू शकतो. परंतु, प्रत्येक रुग्णांची स्थिती ही वेगळी असते त्यामुळे त्याला वेगवेगळ्या प्रकारे ट्रीट करावे लागते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre