Oats Idli Recipe : उन्हाळाच्या ऋतूमध्ये सतत तहान लागते. या ऋतूमध्ये शरीरात डिहायड्रेशन आणि पचनसंस्थेच्या समस्या जास्तीत जास्त असतात. दर दहापैकी दोन ते तीन जण या समस्येने नक्कीच त्रस्त आहेत. अशा परिस्थितीत या ऋतूत आरोग्यदायी अन्न खाणे खूप गरजेचे आहे.

विशेषत: दिवसाच्या सुरुवातीला जर नाश्ता आरोग्यदायी (Healthy) असेल तर या समस्येवर बऱ्याच अंशी मात करता येते. तसे, उन्हाळ्याच्या हंगामात अनेकांना जास्त खाण्यातही त्रास होतो. अशा परिस्थितीत, नाश्ता योग्य असणे आवश्यक आहे. आम्ही तुम्हाला स्वादिष्ट आणि आरोग्यदायी नाश्त्याची रेसिपी सांगणार आहोत. चला जाणून घेऊया पचायला हलकी व आरोग्यासाठी फायदेशीर (Benefits) असणारी ओट्स इडलीची रेसिपी.

1. साहित्य

• ओट्स - 2 कप

• दही - 3 कप

• मोहरी - 1 चमचा

• उडीद डाळ - 2 चमचे

• हळद (Turmeric) - 1/2 टीस्पून

• हिरवी मिरची - 2 बारीक चिरलेली

• तेल - 2 चमचे

• मीठ - चवीनुसार

• कोथिंबीर - 1 टीस्पून

• गाजर - 1 किसलेले

2. कृती

• सर्व प्रथम एका पातेल्यात ओट्स घालून भाजून घ्या आणि भाजून झाल्यावर मिक्सरमध्ये टाकून पावडर बनवा.

• इथे दुसर्‍या कढईत तेल गरम करून त्यात मोहरी आणि उडीद डाळ टाका आणि तपकिरी होईपर्यंत तळा.

• आता त्यात कोथिंबीर, हिरवी मिरची, गाजर आणि हळद घालून साधारण ५ मिनिटे शिजवा.

• ५ मिनिटांनंतर दही सोबत ओट्स पावडर घालून थोडा वेळ शिजवा.

• थोडा वेळ शिजल्यानंतर हे मिश्रण इडलीच्या साच्यात टाका आणि वाफेवर 10 मिनिटे शिजवल्यानंतर गॅस बंद करा.

• चविष्ट आणि आरोग्यदायी ओट्स इडली नाश्त्यासाठी तयार आहे.