सध्या मे महिना सुरू आहे. मे महिना म्हणजे कडक उन्हाळा. मात्र यंदा काही वेगळंच चित्र पाहायला मिळत आहे. मे महिना असूनही यावेळी अनेक ठिकाणी मुसळधार पावसाने हजेरी लावली आहे. राज्यात अनेक ठिकाणी गारपीट देखील झाली आहे. पावसामुळे काही काळ छान वाटत असलं तरी खेड्यांसह शहरात नागरिकांनी छत्री खरेदीसाठी घाई केली आहे.

गेल्या 3 दिवसांपासून मुंबईतील उपनगरांमध्ये मुसळधार पाऊस बरसत आहे. बदलापूरमध्ये गारांचा पाऊस झाला आहे. अशात आता जूनच्या अखेरपासून शाळा देखील सुरू होतील. त्यामुळे तुम्ही देखील स्वस्तात छत्री आणि रेनकोट शोधत असाल तर आम्ही तुमच्यासाठी काही खास मार्केटची यादी आणली आहे.

कुलाबा

मुंबईमधील कुलाबा मार्केटमध्ये तुम्हाला ब्रिटिशकालीन इमारती पाहायला मिळतील. येते फार स्वस्तात वस्तू मिळतात. कपड्यांपासून ते अन्य रोजच्या वापरण्याच्या वस्तूंपर्यंत सर्व वस्तू येथे कमी किमतीत मिळतात.

दादर मार्केट

दादरला स्टेशनमधून उतरल्यानंतर सरळ छ्त्रपती शिवाजी पार्कच्या मार्गाने गेल्यास तुम्हाला स्ट्रीट शॉपिंग करता येईल. या मार्केटमध्ये तुम्हाला पावसाळ्यात वापरण्याचे श्युज, छत्री आणि रेनकोट देखील मिळतील.

चोर बाजार

मुंबईतील चोर बाजार गल्ली देखील स्ट्रीट शॉपिंगसाठी फार प्रसिद्ध आहे. येथे देखील तुम्हाला विविध शोभेच्या वस्तू पाहायला मिळतील. विशेष म्हणजे या बाजारात तुम्हाला इलेक्ट्रॉनिक वस्तूंपासून रोजच्या वापरण्याच्या सर्व वस्तू खेळणी आणि कपडे देखील अतिशय स्वस्त दरात मिळतील.

गजानन मार्केट

ठाण्यातील उपनगर असलेल्या उल्हानगर शहरात एक गजानन मार्केट आहे. या मार्केटमध्ये देखील तुम्ही पावसाळ्यासाठी शॉपिंग करू शकता. येथे रेट सुरुवातीला थोडे जास्त सांगितले जातात. मात्र बर्गेनिंग केल्यास येथे तुम्हाला अतिशय स्वस्त दरात वस्तू मिळतील.