भारतात मंदिरांची संख्या खूप आहे. त्यातील काही मंदिर खूप प्रसिद्ध आहेत. तिरुपती बालाजी त्यापैकीच एक आहे. या मंदिराविषयी काही विशेष माहिती जाणून घेऊयात. (Latest Marathi News Update)
आंध्र प्रदेशच्या चित्तूर जिल्ह्यातील तिरुपती मंदिर हे प्रसिद्ध मंदिरापैकी एक आहे. मंदिराशी निगडीत माहितीची लोकांमध्ये चर्चा होते. तिरुपती बालाजी मंदिराला भारतातील सर्वात श्रीमंत मंदिरापैकी एक मंदिर मानलं जातं. या मंदिरात जगभरातील लोक हे दर्शनासाठी येतात. या मंदिराला भेट द्यायचा विचार करत असाल तर तिकीट, दर्शनाची वेळ याविषयी माहिती जाणून घेऊयात.
तिरुपती बालाजी मंदिरात वर्षभरात काही दिवस सोडले तर पूर्ण वर्ष तिरुपती बालाजी मंदिर दर्शनासाठी खुलं असतं. या मंदिरात सामान्य दर्शनाचा वेळ ही सकाळी ३ ते दुपारी १.३० वाजेपर्यंत असते. त्यानंतर दुपारी २.३० ते रात्री ९.३० पर्यंत वेळ असते. शुक्रवारी आणि शनिवारी हे मंदिर २४ तास खुलं असतं.
तिरुपती बालाजी मंदिरात दर्शनाचे वेगवेगळे प्रकार आहेत. त्यानुसार, मंदिरात व्हिआयपी दर्शनासाठी ३०० रुपये मोजावे लागतात. तर सामान्य तिकीट दर हे ५० रुपये आहेत. दरम्यान, तिरुपती मंदिर खूपच प्रसिद्ध मंदिर आहे. मंदिरातील गर्भगृहात मूर्तीसमोर मातीचा दिवा ठेवण्यात आला आहे.
मीडिया रिपोर्टनुसार, तिरुपती बालाजी देशातील सर्वात श्रीमंत देवस्थान आहे. या तिरुमला तिरुपती देवस्थान मंदिराची एकूण संपत्तीची माहिती समोर आली आहे. या मंदिराची राष्ट्रीयकृत बँकांमध्ये 5,300 कोटी रुपयांचे 10.3 टन सोने आणि 15,938 कोटी रोख जमा असल्याची माहिती मिळत आहे. या मंदिराची एकूण मालमत्ता 2.26 लाख कोटी आहे. या मंदिरात चांदीपासून ते मौल्यवान दगड, नाणी दान केल्या जातात. त्याचबरबोर कंपनीचे शेअर्स आणि मालमत्ता यासारख्या वस्तूही येथे दान केल्या जातात.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.