हिंदू पंचांगानुसार, आषाढ आणि पौष महिन्यातील पौर्णिमा ही अत्यंत महत्त्वाची मानली जाते. मात्र 2025 मधील शनि पौर्णिमा खास ठरणार आहे. यावर्षी पौर्णिमेच्या दिवशी शनिवारचा संयोग होत असल्याने शनिदेवांची विशेष कृपा मिळवण्याची उत्तम संधी लाभणार आहे.

या दिवशी शनिदेव आणि चंद्रदेवांची पूजा केल्यास जीवनातील अडचणी कमी होतात. त्याचप्रमाणे मानसिक शांती, आर्थिक स्थैर्य आणि अडथळ्यांवर उपाय मिळतो, असं मानलं जातं. आजच्या दिवशी शुभ मुहूर्त कधी आहे आणि पुजेची पद्धत कशी असावी याची माहिती जाणून घेऊया.

शनि पौर्णिमा 2025 पूजा मुहूर्त

• पौर्णिमा तिथीची सुरुवात- ८ ऑगस्ट २०२५, शुक्रवार, सकाळी १०:१२

• पौर्णिमा तिथीची समाप्ती- ९ ऑगस्ट २०२५, शनिवार, सकाळी ०८:५६

• शनि पूजनाचा शुभ वेळ- ९ ऑगस्ट २०२५, शनिवार, सकाळी ०६:०० ते ०८:३०

• चंद्रोदय वेळ- ९ ऑगस्ट २०२५, संध्याकाळी ०७:१०

शनि पौर्णिमा पूजा पद्धत

आजच्या दिवशी सकाळी लवकर उठून आंघोळ करावी. त्यानंतर पिंपळाच्या झाडाखाली तिळाच्या तेलाचा दिवा लावावा. शनिदेवांच्या प्रतिमेसमोर किंवा मूर्तीसमोर काळी उडीद डाळ, काळे तीळ, निळ्या रंगाची फुले, लोखंडी खिळा आणि सरसोंचे तेल अर्पण करावे. याशिवाय पूजेच्या वेळी "ॐ शं शनैश्चराय नमः" हा मंत्र अखंड जपावा. चंद्रदेवांना अर्घ्य देताना गोड दूध आणि तांदूळ मिसळलेले पाणी वापरावं.

शनि पौर्णिमेचे खास उपाय

• काळे तीळ आणि उडीद दान केल्याने शनि दोष आणि साडेसातीचे परिणाम कमी होतात.

• गरीब आणि गरजू लोकांना काळे कपडे, जोडे-चप्पल आणि लोखंडी भांडी दान करणं शुभ मानलं जातं.

• पिंपळाच्या झाडाला पाणी अर्पण करून ७ प्रदक्षिणा घालाव्यात, यामुळे कामातील अडथळे दूर होतात.

• संध्याकाळी शनिदेवाच्या मंदिरात तिळाच्या तेलाचा दिवा लावून शनि स्तोत्र पठण करावं.

• चंद्रदोष कमी करण्यासाठी रात्री चंद्रदेवांना दूध आणि साखर मिसळलेले पाणी अर्घ्य म्हणून अर्पण करावं.