आपल्या शरीरात हृदयविकाराच्या सुरुवातीच्या लक्षणांची माहिती असणं खूप महत्त्वाचं आहे. कोणत्याही आजारावर मात करण्याचा सर्वोत्तम मार्ग म्हणजे त्याचा प्रतिबंध करणं. काही लोकांना आजारांशी सामना करणं कठीण जातं, परंतु काही आजार आपण सुरुवातीला ओळखू शकतो. त्यासाठी आपण थोडं सावध राहणं गरजेचं आहे.

हृदय प्रत्येकासाठी अत्यंत महत्त्वाचं आहे. हृदयाच्या बाबतीत हार्ट बीट आणि हार्ट रेट खूप महत्त्वाचा आहे. परंतु, तुम्हाला माहिती आहे का की, हृदयविकाराचा झटका होण्यापूर्वी तुमचं शरीर सतत तुम्हाला संकेत देतं? हे संकेत समजून न घेणं किंवा दुर्लक्ष करणं धोकादायक ठरू शकते. अहवालानुसार, हृदयविकार होण्यापूर्वी आपल्या शरीरात अनेक प्रकारचे संकेत दिसू लागतात. आपल्याला नेहमीच या संकेतांकडे लक्ष द्यावं लागतं. कारण दुर्लक्ष केल्यास इतर आजारही होऊ शकतात.

तज्ज्ञांच्या सांगण्यानुसार, काही लोकांना छातीत ताण जाणवतो, ज्याला एंजायना असंही म्हणतात. या वेळी श्वासोच्छ्वासावर ताण येतो आणि अस्वस्थपणा जाणवते. ज्यावेळी हृदयाला पुरेशी ऑक्सिजनयुक्त रक्त मिळत नाही, तेव्हा छातीत वेदना जाणवतात. लोक सहसा या ताणाकडे दुर्लक्ष करतात. परंतु जर हा ताण सतत राहिला, तर हृदयविकाराचा धोका वाढतो.

अचानक घाम येणं

कधीकधी अचानक घाम येणं किंवा मळमळ जाणवणं हे देखील हृदयाशी संबंधित लक्षण असू शकतं. योग्य आहारानंतरही अशक्तपणा जाणवणं, थकवा जाणवणं, हे हृदयाच्या समस्येचे संकेत आहेत.

श्वास घेण्यात अडचण

श्वास घेण्यात अडचण हृदयाव्यतिरिक्त फुफ्फुसांवरही परिणाम करते. जर फुफ्फुसांना रक्तपुरवठा नीट मिळत नसेल, तर श्वास घेण्यात अडचण येते आणि मेंदूत ऑक्सिजन पोहोचणे कमी होते. त्यामुळे श्वासोच्छ्वासाची समस्या निर्माण होऊ शकते.

थकवा आणि झोप न येणं

थकवा आणि झोप न येणं हृदयविकाराचं आणखी एक लक्षण आहे. जर तुम्ही चांगला आहार घेतला आणि व्यायाम केला तरीही थकवा जाणवत असेल, तर हृदयातील रक्तप्रवाह कमी झाल्याचे संकेत आहेत. आर्टरीजमध्ये प्लॅक साचल्याने हृदयविकाराचा धोका वाढतो. झोपेची कमतरता देखील हृदयासाठी धोकेदायक असते.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत