गेल्या काही काळापासून हार्ट अटॅक येण्याच्या प्रकरणांमध्ये वाढ झालीये. तज्ज्ञांच्या सांगण्यानुसार, हार्ट अटॅक एका दिवसात येत नाहीत. मात्र हार्ट अटॅकचा धोका कमी करण्यासाठी आपल्या रोजच्या जीवनशैलीत काही महत्त्वाचे बदल करता येऊ शकतात. लॅन्सेट या जर्नलमध्ये पब्लिश करण्यात आलेल्या अभ्यासांमध्ये हार्ट अटॅकचा धोका वाढवणारे काही घटक समोर आले आहेत.

SAAOL Heart Centerचे प्रमुख आणि प्रसिद्ध हृदयरोगतज्ज्ञ डॉ. बिमल छाजेर यांच्या सांगण्यानुसार, हे घटक नियंत्रणात ठेवल्यास हार्ट अटॅकचा धोका मोठ्या प्रमाणात कमी करता येऊ शकतो.

डॉ. छाजेर यांच्या मते, हार्ट अटॅकचा धोका वाढवणारे नऊ महत्त्वाचे घटक आहेत. यामध्ये धूम्रपान किंवा तंबाखूचे सेवन, शरीरातील चरबीचं प्रमाण वाढणं, उच्च रक्तदाब, रक्तातील साखर वाढणं, पोटाची चरबी वाढणं, ताणतणाव, आहाराच्या चुकीच्या सवयी, शारीरिक हालचालींचा अभाव आणि रोजचा व्यायाम यांचा समावेश आहे.

हार्ट अटॅकचा धोका कसा कमी करता येईल?

डॉ. बिमल छाजेर सांगतात, “पहिल्या सहा गोष्टी नियंत्रणात ठेवल्या तर हार्ट अटॅकचा धोका 70 ते 80 टक्क्यांपर्यंत कमी होऊ शकतो. त्यासोबत योग्य आहार, शारीरिक हालचाल आणि रोजचा व्यायाम या तीन गोष्टी केल्यास हा बचाव जवळपास 96 ते 99 टक्क्यांपर्यंत जाऊ शकतो.”

जीवनशैलीत साधे बदल करणं गरजेचं

यासाठी रोजच्या जीवनात काही साधे बदणं, पोटाची चरबी कमी करणं, ताण कमी करणं आणि योग्य आहार घेणं याकडे लक्ष द्यावं. आहारात फळं आणि भाज्यांचा समावेश करणंही महत्त्वाचं आहे. त्याचबरोबर रोज चालणं आणि व्यायाम करण्याची सवय लावणं गरजेचं आहे.ल करणं गरजेचं आहे. धूम्रपान आणि तंबाखू टाळणं, रक्तदाब आणि रक्तातील साखर नियंत्रणात ठेवा.

डॉ. छाजेर यांच्या मते, हार्ट अटॅकवर केवळ उपचार करण्यापेक्षा त्याची कारणं वेळीच नियंत्रणात ठेवणं अधिक महत्त्वाचं आहे. “रोज चालणं, योग्य आहार घेणं, ताण कमी करणं आणि गरज असल्यास औषधोपचार घेणं यामुळे अनेक लोकांना बायपास सर्जरी किंवा अँजिओप्लास्टीसारख्या प्रोसिजरपासून दूर राहण्यास मदत होऊ शकते.”

गंभीर परिस्थितीत उपचार घेणं गरजेचं

मात्र हार्ट अटॅकची अवस्था गंभीर झाल्यास उपचारांची गरज भासू शकते. अशा अवस्थेत नॉन-इन्व्हेसिव्ह म्हणजेच शरीरात मोठी शस्त्रक्रिया न करता केल्या जाणाऱ्या उपचारांमध्ये ‘नॅचरल बायपास’ आणि अँटिऑक्सिडंट थेरपीसारख्या पद्धती उपलब्ध असल्याचंही डॉ. छाजेर यांनी सांगितलंय.

टीप : ही माहिती सर्वसाधारण माहितीसाठी आहे. कोणताही वैद्यकीय सल्ला घेण्यापूर्वी आपल्या डॉक्टरांचा सल्ला घेणे आवश्यक आहे.