जेव्हा पोटामध्ये अचानक असामान्य पेशींची वाढ होते तेव्हा त्याला पोटाचा म्हणजेच गॅस्ट्रिक कॅन्सर म्हटलं जातं. या असामान्य पेशी ज्यावेळी गाठीमध्ये रूपांतरित होतात तेव्हा या कॅन्सरची सुरुवात होते. सुरुवातीच्या काळात या कॅन्सरची फारशी लक्षणं दिसून येत नाहीत. मात्र जेव्हा याची लक्षणं दिसून येतात त्यावेळी हा कॅन्सर इतर अवयवांमध्ये पसरलेला असतो.
गॅस्ट्रीक कॅन्सर हा अत्यंत वेदनादायक मानला जातो. हा आजार सामान्यतः आनुवंशिक माहीये. परंतु बहुतांश प्रकरणं ही अनियमित DNA बदलांमुळे होतात. मुख्य म्हणजे या आजाराची जी लक्षणं दिसून येतात ती सहजरित्या दुर्लक्षित केली जातात. त्यामुळे वेळेवर निदान होण्यासाठी सुरुवातीची लक्षणं ओळखणं अत्यंत गरजेचं आहे.
शौचाला गेल्यानंतर मलाचा आकार, वारंवारता किंवा घट्टपणात बदल होणं आणि पोटात सतत अस्वस्थता जाणवणं गॅस्ट्रीक कॅन्सरचं एक महत्त्वाचं लक्षणं मानण्यात येतं. यावेळी मलामध्ये रक्त दिसणं ही गंभीर समस्या आहे. त्यामुळे अशावेळी डॉक्टरांकडून तपासणी आवश्यक आहे.
जर एखाद्या व्यक्तीला पोटात सतत वेदना जाणवत असतील तर हे पोटात कॅन्सरची गाठ असल्याचे संकेत असू शकतात. अनेकदा ही गाठ वाढत असल्याचंही हे लक्षण मानलं जातं. त्यामुळे या वेदनांकडे दुर्लक्ष न करता तज्ज्ञांचा अवश्य सल्ला घ्यावा.
अनेक कारणांमुळे रूग्णांना भूक न लागण्याची समस्या जाणवू शकते. मात्र जर तुम्हाला सतत भूक लागत नसेल तर हे गॅस्ट्रिक कॅन्सरचं लक्षण असल्याची शक्यता आहे. पोटामध्ये अल्सर झाला असेल तरीही रूग्णाला भूक लागत नाही. त्यामुळे अशावेळी वेळीच तपासणी करू घ्यावी.
जर तुमच्या वजनात काहीही न करता घट होत असेल तर त्याकडे दुर्लक्ष करणं महागात पडू शकतं. वजनात मोठ्या प्रमाणात घट दिसून आली तर त्याचा संबंध पोटाच्या कॅन्सरशी असतो. अशावेळी डॉक्टरांकडे धाव घेणं फायद्याचं आहे.
सतत अॅसिडिटी किंवा छातीत जळजळ होत असेल तर ते पोटाच्या कॅन्सरचं एक लक्षण असण्याची शक्यता आहे. हा त्रास सतत होत असल्यास तज्ज्ञांचा सल्ला घ्यावा.
तुम्हाला अचानक जुलाब होत असतील किंवा सतत पोचट फुगल्यासारखं वाटत असेल तर हे पोटात गाठ असल्याचे संकेत असतात. अशावेळी रूग्णाला शौचास देखील त्रास होऊ लागतो. ही लक्षणं सतत राहिल्यास डॉक्टरांकडून तपासणी आवश्यक आहे.
जर कॅन्सर हा अन्ननलिकेत पसरला असेल तर अन्न गिळताना तुम्हाला त्रास होण्याची शक्यता आहे. यावेळी खाण्यापिण्याच्या वेळी खोकला किंवा श्वास लागणं हा त्रास तुम्हाला होऊ शकतो.
जर कॅन्सरची गाठ प्रगत अवस्थेत पोहोचली असेल तर रूग्णाला पोट लवकर भरल्यासारखं वाटू शकतं. अशावेळी थोडं जेवल्यानंतरही पोट भरल्यासारखं वाटू शकतं.
तंबाखूजन्य पदार्थ टाळा, दारूचं अतिसेवन करू नका
वनस्पतीजन्य आहार घ्यावा
आंबट किंवा लोणच्याचे पदार्थ टाळा
वजन नियंत्रणात ठेवा
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.