लग्नानंतर जोडप्यांना एकमेकांसोबत वेळ घालवण्यासाठी हनिमूनला जायला आवडते. हिवाळ्यात हनिमूनसाठी भारतात अनेक सुंदर आणि रोमँटिक ठिकाणे आहेत. भारतात अशी अनेक ठिकाणे आहेत जिथे हिवाळ्यात भेट देण्याची एक वेगळीच मजा असते. या ठिकाणी बर्फवृष्टी आणि थंड वारे जोडप्यांना एकमेकांच्या जवळ येण्याची संधी देतात. साहसी उपक्रमांचाही आनंद येथे घेता येतो.

उटी, तामिळनाडू

निलगिरी पर्वतांच्या मधोमध वसलेले उटी हे तामिळनाडू राज्यातील सर्वात सुंदर ठिकाणांपैकी एक आहे. ही अशी जागा आहे जिथे जोडपे आणखी रोमँटिक होतात.केवळ भारतीय लोकांनाच येथे जायला आवडत नाही, तर हे ठिकाण विदेशी पर्यटकांमध्येही अव्वल स्थानावर आहे. इथले हिरवेगार आणि शांत वातावरण हनिमूनला आणखी खास बनवते. तुम्ही उटी लेक,रोझ गार्डन, निलगिरी माउंटन रेल्वे राइड, कुन्नूर यासारख्या ठिकाणांना भेट देऊ शकता. अनेक बॉलिवूड चित्रपटांचे शूटिंगही येथे झाले आहे.

जम्मू आणि काश्मीर

जम्मू-काश्मीरला पृथ्वीवरील स्वर्ग म्हटले जाते. थंडीत आपल्या जोडीदारासोबत पांढऱ्या चादरीने पांघरलेली शिखरे पाहण्यात एक वेगळाच आनंद असतो. तुम्ही येथे बर्फवृष्टीचा आनंदही घेऊ शकता. जम्मू आणि काश्मीरमध्ये तुम्ही गुलगारम, पहलगाम, वैष्णो देवी मंदिर, सोनमर्ग, पटनीटॉप यासारख्या ठिकाणांना भेट देऊ शकता.

दार्जिलिंग, पश्चिम बंगाल

पश्चिम बंगालमध्ये वसलेले दार्जिलिंग हे हनिमूनसाठी सर्वोत्तम ठिकाण आहे. जे एक अतिशय सुंदर ठिकाण आहे आणि तुम्ही येथे अनेक अविस्मरणीय क्षण तुमच्या कॅमेऱ्यात कैद करू शकता. येथील निसर्गसौंदर्य तुम्हाला एक वेगळा अनुभव देऊ शकते. दार्जिलिंगमध्ये तुम्ही तुमच्या जोडीदारासोबत टॉय ट्रेनमध्ये बसून चहाच्या बागा, देवदाराची जंगले, रंगीबेरंगी नद्यांचा संगम अशी सुंदर दृश्ये पाहू शकता. जर हवामान स्वच्छ असेल तर तुम्हाला माउंट एव्हरेस्ट शिखर देखील पहायला मिळेल.

कुर्ग, कर्नाटक

कर्नाटक राज्याच्या कुर्गला भारताचे स्कॉटलंड असेही म्हणतात. हनिमूनच्या दृष्टिकोनातून पाहिल्यास ते स्वर्गापेक्षा कमी नाही. कुर्ग हे समुद्रसपाटीपासून १५२५ मीटर उंचीवर वसलेले आहे. कुर्ग हे सुंदर खोऱ्या आणि रोमँटिक हवामानासाठी ओळखले जाते.

गंगटोक, सिक्कीम

सिक्कीमचे गंगटोक हे नवविवाहित जोडप्यांसाठी योग्य ठिकाण ठरू शकते. तुम्हाला येथे उगवता सूर्य पाहण्याचीही संधी मिळेल. यासोबतच सरोवर आणि निसर्गाचे दर्शनही घेता येईल.

Edited by-Archana Chavan