श्रावण महिना हा भक्ती, उपासना आणि अध्यात्माचा सण मानला जातो. या महिन्याला जितकं महत्त्व सोमवारी मिळतं तितकंच महत्त्व मंगळवारी सुद्धा असतं. या दिवशी खास करून हनुमानजींची उपासना आणि पुजा केली जाते. शास्त्रांनुसार, मारुती हे भगवान शिवांचं रौद्र रूप मानले जातात.

ज्योतिष्य तज्ज्ञांच्या सांगण्यानुसार, श्रावण महिन्यात मंगळवारी त्यांची आराधना केल्यास शिव आणि हनुमान दोघांचं एकत्र आशीर्वाद प्राप्त होतात. ज्यामुळे मानसिक, शारीरिक त्रास दूर होतात. श्रावणात मंगळवारी केल्या गेलेल्या काही विशिष्ट उपायांमुळे जीवनात शक्ती, आत्मविश्वास, यश, सुरक्षितता आणि सकारात्मकता येते. हे उपाय कोणते आहेत ते पाहूयात.

हनुमानजींची पूजा का विशेष?

श्रावण महिन्यात महिना हा शिव उपासनेचा काळ असतो आणि हनुमान हे शिवाचेच एक रूप मानलं जातं. त्यामुळे या काळात हनुमानजींची आराधना केल्यास शिवकृपा आणि मारुतीकृपा एकत्र प्राप्त होते. त्यामुळे जीवनातील अडचणी, मानसिक तणाव, शत्रु बाधा आणि ग्रहदोष यावर प्रभावी उपाय होतो.

मंगळवारी करायचे प्रभावी उपाय

हनुमान चालीसा पठण आणि तेलाचा दिवा

रात्री झोपण्याआधी हनुमानजींच्या फोटोसमोर किंवा मंदिरात तेलाचा दिवा लावा आणि श्रद्धेने हनुमान चालीसा वाचा. हे उपाय मनाची शांती, भीतीपासून मुक्ती आणि आत्मबल वाढवतात.

नारळ आणि सिंदूर अर्पण करा

लाल कापडात नारळ गुंडाळा त्यावर सिंदूर, पवित्र दोरा आणि तांदूळ अर्पण करून ते हनुमानजींना समर्पित करा. हे उपाय यश आणि कार्यसिद्धीसाठी फायदेशीर ठरतो.

पिंपळाखाली दिवा लावा आणि मंत्रजप करा

मंगळवारी संध्याकाळी पीपळाच्या झाडाखाली दिवा लावा आणि "ॐ रामदूताय नमः" या मंत्राचा जप करा. यामुळे ग्रह दोष कमी होतो आणि दारिद्र्य नष्ट होण्यास मदत होते.

हनुमान मंदिरात लाल झेंडा चढवा

सावनच्या प्रत्येक मंगळवारी हनुमान मंदिरात लाल झेंडा अर्पण करा. अशी श्रद्धा आहे की, या उपायामुळे मनोकामना लवकर पूर्ण होतात.