Shravan Somwar 2025: पहिल्याच श्रावणी सोमवारी बनलेत 4 दुर्मिळ योग; 3 राशींवर बरसणार पाण्यासारखा पैसा

28 जुलै म्हणजेच आज पहिला श्रावणी सोमवार आहे. हिंदू धर्मात श्रावणी सोमवारचा दिवस भगवान शिव आणि माता पार्वती यांची विशेष आराधना करण्यासाठी अत्यंत महत्त्वाचा मानला जातो. या दिवशी उपवास, व्रत आणि पूजन केल्याने भक्तांना विशेष फळ मिळतं, अशी मान्यता आहे. पहिल्याच श्रावणी सोमवारी अनेक खास योग जुळून आले आहेत.

पंचांगानुसार पहिल्या श्रावणी सोमवारी अनेक दुर्मिळ योगांचा संयोग घडतोय. ज्यामुळे हा दिवस अधिक शुभ, फलदायी आणि सकारात्मक ठरेल.

कोणकोणते योग तयार होत आहेत?

• विनायक चतुर्थीचा संयोग – म्हणजेच गणपतीबाप्पाची कृपा मिळवण्याचा योग

• पूर्वा फाल्गुनी नक्षत्र – हे नक्षत्र सौंदर्य, समृद्धी आणि सुखसमाधानाचं प्रतीक मानलं जातं

• रवियोग – अशुभ गोष्टींचा नाश करणारा शुभ काळ

• चंद्र- मंगळ युती कन्या राशीत – ज्यामुळे बनतोय महालक्ष्मी राजयोग

काय आहे खास?

२८ जुलैच्या रात्री ११:५९ वाजता चंद्र कन्या राशीत प्रवेश करणार आहे. दरम्यान याच दिवशी मंगळ ग्रह देखील कन्या राशीत प्रवेश करणार आहे. या दोघांचं एकत्र आगमन‘महालक्ष्मी राजयोग’ बनवणार आहे. ज्योतिष शास्त्रात या योगाला आकस्मिक धनलाभ, प्रतिष्ठा, सौख्य आणि आर्थिक स्थैर्य देणारा अत्यंत शुभ योग मानलं जातं. यामुळे काही राशींना विशेष लाभ मिळण्याची शक्यता आहे.

मेष रास (Aries)

मंगल आणि चंद्राच्या युतीने मेष राशीच्या व्यक्तींना कार्यक्षेत्रात उत्तम यश मिळणार आहे. ज्यांचं काम अडकलं होतं, त्यात प्रगती होणार आहे. वरिष्ठांची प्रशंसा आणि मान-सन्मान मिळण्याचे योग आहेत. घरामध्ये नवीन आनंददायक घटना घडणार आहेत.

कर्क रास (Cancer)

या राशीसाठी हा योग आर्थिक संकटांवर मात करण्यासाठी वरदान ठरणार आहे. या काळात तुमची पैशांची अडचण दूर होणार आहे. त्याचप्रमाणे अचानक नवीन कमाईचं साधन मिळू शकतं. नोकरी बदलण्याची किंवा नवीन नोकरी सुरू होण्याची शक्यता आहे. तुम्ही करत असलेल्या प्रत्येक कामात तुम्हाला यश मिळण्याची शक्यता आहे.

धनु रास (Sagittarius)

धनु राशीच्या व्यक्तींसाठी हा सोमवार अत्यंत शुभ आहे. व्यवसायात मोठा लाभ, नवीन व्यवहार किंवा नवीन पार्टनरशिप होण्याचे संकेत आहेत. या दिवशी तुम्हाला अचानक धनलाभ किंवा कोणतीतरी महत्त्वाची डील फायनल होऊ शकते. परदेशात जाण्याचं तुमचं स्वप्न अखेर पूर्ण होण्याची शक्यता आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)