Chandra Grahan 2025: 'या' दिवशी लागणार वर्षातील शेवटचं चंद्रग्रहण; 3 राशींच्या व्यक्तींचं नशीब फळफळणार

यंदाच्या वर्षीचं शेवटचं आणि दुसरा चंद्रग्रहण ७ सप्टेंबरला लागणार आहे. हे चंद्रग्रहण भारतातही दिसणार असल्याने यावेळी सूतक काल देखील असणार आहे. हे ग्रहण भाद्रपद महिन्याच्या पौर्णिमेला लागणार आहे आणि त्याच दिवशी पितृपक्षाची सुरुवात होणार आहे. यावेळी चंद्र शनीच्या कुंभ राशीत आणि पूर्वाभाद्रपद व शतभिषा नक्षत्रात असेल.

ज्योतिष्य तज्ज्ञांच्या म्हणण्यानुसार, या ग्रहणाचा परिणाम सर्व १२ राशींवर दिसणार आहे. मात्र त्यातील तीन राशींना विशेष सकारात्मक लाभ मिळण्याची शक्यता आहे. यामध्ये कोणत्या राशींना याचा फायदा मिळणार आहे पाहूयात.

चंद्रग्रहण २०२५ तारीख आणि वेळ

• या वर्षीचे शेवटचे चंद्रग्रहण खास असणार आहे कारण ते ब्लड मून स्वरूपात दिसेल.

• ग्रहणाची सुरुवात- ७ सप्टेंबर रात्री ९:५७ वाजता

• स्पर्शकाल- रात्री ११:०९ वाजता

• मध्यकाल- रात्री ११:४२ वाजता

• मोक्षकाल- ८ सप्टेंबर पहाटे १२:२३ वाजता

• समाप्ती- पहाटे १:२६ वाजता

हे ग्रहण एकूण सुमारे ४ तास असून भारतात स्पष्टपणे दिसेल.

मिथुन राशी

मिथुन राशीच्या लोकांसाठी हे ग्रहण अनेक नवे मार्ग खुले करणार आहे. यावेळी जुन्या अडथळ्यांवर मात करून यश मिळण्याची संधी येणार आहे. उत्पन्नाचे नवे स्त्रोत तयार होतील. कुटुंबीय आणि मित्रांचा पाठिंबा तुम्हाला लाभणार आहे. शिक्षण आणि स्पर्धा परीक्षांमध्येही यश मिळण्याची शक्यता प्रबळ आहे.

धनु राशी

धनु राशीसाठी हे चंद्रग्रहण अत्यंत शुभ मानलं जातं. मनातील अनेक इच्छापूर्तीची दारे खुली होतील. करिअरमध्ये उंची गाठण्याची संधी मिळणार आहे. व्यवसायात नवीन ऑर्डर्स मिळतील आणि मोठा नफा मिळणार आहे. वैवाहिक जीवन आणि नातेसंबंधात गोडवा वाढणार आहे. विद्यार्थी वर्गासाठीही ही वेळ यश मिळवून देणारी असणार आहे.

मकर राशी

मकर राशीच्या लोकांसाठी हे वर्षातील सर्वात लाभदायक चंद्रग्रहण मानलं जातं. नोकरी-व्यवसायात प्रगती होणार आहे. दीर्घकाळचा मानसिक ताण आणि क्लेश कमी होण्याची शक्यता आहे. उत्पन्नाचे नवे मार्ग खुलतील आणि प्रमोशन मिळणार आहे. व्यवसायात भरभराट होण्याची शक्यता आहे.

(Disclaimer - या ठिकाणी दिलेली माहिती शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)