Navratri Special :

शारीरिक आणि मानसिकदृष्ट्या निरोगी राहण्यासाठी प्रत्येकाने नियमितपणे योगाभ्यास केला पाहिजे. मन आणि शरीर दोन्ही जागृत ठेवणे हा योगाचा उद्देश आहे. योग हा निरोगी राहण्याचा उत्तम मार्ग आहे, ज्याचा तुम्ही तुमच्या दिनक्रमात समावेश करू शकता. अशी अनेक योगासने आहेत, जी आपल्या शरीराच्या विविध भागांवर लक्ष केंद्रित करतात आणि त्यांच्याशी संबंधित समस्या दूर करतात.

शारीरिक फायद्यांव्यतिरिक्त, योगामुळे लोकांना तणावातून बाहेर निघण्यात मदत होते. यामुळे तुमचे एकूण आरोग्य सुधारते. योगामध्ये ध्यान आणि श्वासोच्छवासाचा समावेश केल्याने व्यक्तीचे मानसिक आरोग्य (Health) सुधारण्यास मदत होते. दररोज योगाभ्यास केल्याने शरीराची जागरुकता वाढते आणि अनेक आजारांपासून आराम मिळतो.

नवरात्रीचे उपवास करणाऱ्या लोकांसाठी योगाभ्यास करण्याची गरज आहे. सामान्यतः लोकांना असे वाटते की उपवासाच्या वेळी योगाभ्यास करणे टाळावे. याउलट उपवासाच्या वेळी योगाभ्यास करून तुम्हाला अधिक फायदे (Benefits) मिळू शकतात. उपवासाच्या वेळी चांगल्या खाण्याच्या सवयी आणि नियमित योगासने केल्यास आरोग्य परिपूर्ण होऊ शकते.

तथापि, 9 दिवस उपवास करणाऱ्यांनी कठीण आसनांचा सराव करण्याऐवजी साध्या आसनांवर लक्ष केंद्रित केले पाहिजे. यामुळे त्यांचे शरीर लवचिक आणि मजबूत होईल. तसेच वजन कमी करण्यास मदत होईल. योगाभ्यास योग्य प्रकारे केल्यास त्याचा परिणाम (Efffect) शरीरावर लवकर दिसून येतो. अशा स्थितीत योगाभ्यासाची योग्य पद्धत जाणून घेणे अत्यंत आवश्यक आहे.

अशा प्रकारे योगासने सुरू करा

योगासन सुरू करण्यासाठी, प्रथम पद्मासन स्थितीत बसा. यानंतर, हाताचे तळवे जोडून वरच्या दिशेने हलवा. नंतर 10 पर्यंत मोजा आणि हात परत खाली आणा. तुम्ही हे किमान 5 वेळा करा. हात पाय ताणून झाल्यावर साधारणपणे बसून ध्यान करा.

तुम्ही हात जोडून, ​​डोळे बंद करा आणि ओम या शब्दाची उच्चारणा करा. यानंतर तुम्ही सुलभ योग आसनांचा सराव सुरू करा. हा योगाचा योग्य मार्ग आहे. तुम्ही सहज योगासने करावीत, जेणेकरून तुमचे शरीर लवचिक आणि मजबूत होईल. जर शरीर लवचिक असेल तर तुम्ही अगदी कठीण योगासनेही सहज करू शकाल.

योग प्रशिक्षक सविता यादव यांनी पुन्हा एकदा नवरात्रीच्या उपवासात योगाभ्यासासह सकस आहाराच्या सवयींवर भर दिला. त्यांनी सांगितले की, उपवासात तंदुरुस्त आणि निरोगी राहण्यासाठी दिवसा संपूर्ण धान्य आणि संध्याकाळी शक्य तितकी फळे खा. तेलकट पदार्थ टाळा आणि तुमच्या शारीरिक हालचालींमध्ये संतुलन राखा.

जास्त धावपळ सोबतच विश्रांती देखील आवश्यक आहे. रात्री उशिरापर्यंत जागे राहणे टाळण्याची गरज आहे. उपवासात रात्री उशिरापर्यंत जागे राहिल्याने आरोग्य बिघडू शकते. सध्या हवामानात झपाट्याने बदल होत असून या वातावरणात आरोग्याची विशेष काळजी घेतली पाहिजे. या ऋतूत लोकांनी कमी खावे. जे उपवास करत नाहीत त्यांच्यासाठीही नियमित योग आवश्यक आहे.