कोणतेही रिलेशनशिप परफेक्ट नसतं, पण नात्याला टिकवण्यासाठी अनेक प्रयत्न करावे लागतात. त्याचे कारण म्हणजे, नात्यात फक्त प्रेमच आवश्यक नसते तर एकमेकांना जाणून घेण्याचा आणि समजून घेण्याचा प्रयत्न करण्याची आवश्यकता असते. नात्यामध्ये छोट्या छोट्या गोष्टींकडे लक्ष द्यावं लागतं. असं केलं नाही तर तुमचं नातं सुरू होण्यापूर्वीच संपुष्टात येऊ शकतं. कधी, कुठे, काय करायचं, कोणासमोर काय बोलायचं या सगळ्याची काळजी घ्यावी लागते. नातं टिकवण्यासाठी फक्त प्रेम पुरेसं नसतं पण नात्याचा खरा अर्थ नेमकं काय हे समजून घ्यावा लागतो.
डेटिंग करताना नात्याचे काही तत्व अस्तात ज्यांना समजून घ्यावा लागतं.सर्वप्रथम नात्यात एकमेकांशी कधी खोटं बोलू नका आणि तुमच्या साथिदाराशी काहीही लपवू नका. कारण सत्य कधीतरी समोर येतं आणि जेव्हा हे समोर येतं तेव्हा तुमच्या पार्टनरला जास्तच वाईट वाटेल, पण जर तुम्ही त्याला तीच गोष्ट आधीचं सांगितली तर तुमचा पर्टनर ती गोष्ट समजून घेण्याचा प्रयत्न करेल. त्यामुळे तुमच्या नात्यातील विश्वास वाढेल. नात्यात मतभेद होणे सामान्य गोष्ट आहे, पण त्यामुळे जर तुमच्यामध्ये भांडण सुरू झाले तर ते तिसऱ्या व्यक्तीला सांगण्याची चूक कधी करू नका, यामुळे तुमच्या समस्या आणखी वाढू शक्यतात. त्यामुळे जेव्हा जेव्हा भांडण होईल तेव्हा समोरासमोर बसून समस्येवर चर्चा करून त्यावर तोडगा काढा. कारण कोणतीही भांडणं बोलून सोडवता येतं.
नात्यामध्ये शेअरिंग आणि काळजी घेण्यावर जास्त लक्ष केंद्रित करा. तुमच्या जोडीदाराच्या तुमच्याकडून काय अपेक्षा आहेत हे तुम्ही जाणून घेतलं पाहिजे आणि प्रत्येक लहान-मोठ्या गोष्टीकडे लक्ष दिलं पाहिजे. तुम्ही तुमच्या आयुष्यात कितीही व्यस्त असलात तरी तुमच्या जोडीदाराला वेळ देणं महत्त्वाचं आहे. नातं हे फक्त दोन व्यक्तींमधलं नसून दोन कुटुंबांमध्ये असतं असं म्हणटलं जातं. त्यामुळे डेटिंग करताना, एकमेकांच्या कुटुंबाचा आदर करणे तीतकेच महत्त्वाचे असते. कारण जर तुमच्या दोन्ही कुटुंबांना आनंदी ठेवलं तर तुमच्या नात्यातील गोडवा अजून वाढू शकतो.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.