Psychological effects of Holi Colors :

होळी हा अनेक रंगांचा सण. यंदा होळीचा सण हा २४ मार्चला साजरा केला जाणार आहे. त्यानंतर दुसऱ्या दिवशी रंगांची उधळण केली जाते. गुलाल आणि पाण्याने खेळला जाणारा हा सण.

डीजे, थंडाई, भांग, गोडाचे पदार्थ यामुळे होळीच्या सणाला एक वेगळे रुप मिळते. अनेकांना होळी खेळायला आवडत नाही. रंग किंवा पाण्यात भिजणे नकोसे वाटते. तज्ज्ञांच्या मते होळीचे रंग खेळल्याने मानसिक आरोग्यावर सकारात्मक परिणाम होतात. तसेच मानसिक स्वास्थ्य सुधारते. होळ्याच्या रंगांचा मानसिक आरोग्यावर कसा परिणाम होतो जाणून घेऊया.

1. तणावापासून मुक्ती

होळीच्या (holi Festival) सणामध्ये आजूबाजूचे वातावरण प्रसन्न होते. गुलालाचे रंगीबेरंगी रंग, डीजे यामुळे मूड चांगला होतो. होळीसारख्या सणाच्या दिवशी मित्र आणि नातेवाईकांसोबत होळी खेळल्याने स्ट्रेस (Stress) कमी होऊन मूड सुधारतो.

2. हॅप्पी हार्मोन्स

रंग खेळणे, विविध गोडाचे पदार्थ खाणे आणि आपल्या प्रिय व्यक्तींना भेटल्यानंतर शरीरातून आनंदी सप्रेरके बाहेर पडतात. तसेच मानसिक आरोग्य (Mental Health) सुधारते.

3. कलर थेरपी

होळीच्या रंगाचा मनावर चांगला परिणाम होतो. कलर थेरपीनुसार वेगवेगळ्या रंगाचा आपल्या मनावर वेगवेगळा प्रभाव पडतो. हिरवा आणि निळा रंग मन शांत करते. केशरी रंग आनंद वाढवतात. लाल, गुलाबी, पिवळा यांसारखे रंग आपल्या भावना प्रकट करतात.

4. एकटेपणा दूर होतो

अनेकजण होळीचा सण आपल्या कुटुंबासह नातेवाईक आणि मित्रांसोबत साजरा करतात. त्यामुळे त्यांचे नाते अधिक घट्ट होते. भेटणे आणि बोलण्यामुळे मन शांत होते. ताणतणाव कमी होतो.