सध्याच्या बदलत्या युगात आजकालची लहान मुलं वेगळ्या स्वभावाची झाली आहेत. मुलांकडे लहानपणापासून हातात फोन असतो. फोन आणि विविध इलेक्ट्रीक गॅजेट आणि गेम्स वापरणे मुलांना फार आवडते. मात्र त्याने त्यांच्या स्वभावात बदल होत चालला आहे. त्यामुळे मुलं फार लवकर स्ट्रेसमध्ये आणि तणावात येतात. अशात मुलांमधील स्ट्रेस जास्त वाढल्याने ते कसे वागतात आणि त्यांचा स्ट्रेस दूर कसा करायचा याची माहिती आज जाणून घेणार आहोत.

ओव्हर सेंसिटिव्ह

स्ट्रेसमध्ये असलेली मुलं फार ओव्हर सेंसिटिव्ह असतात. त्यांना प्रत्येक छोट्या-मोठ्या गोष्टीवरून वाईट वाटते. विविध गोष्टी त्यांच्या मनाला लागतात.

चिडचिडेपणा

स्ट्रेस वाढल्याने मुलांचा चिडचिडेपणा सुद्धा जास्त वाढतो. मुलं सतत ओरडून आणि मोठ्याने बोलण्यास सुरुवात करतात. त्यांना प्रत्येक गोष्ट त्यांच्यासाठी कंफर्टेबल वाटत नाही.

अटेंशन

जी मुलं स्ट्रेसमध्ये असतात त्यांना स्वत:साठी अटेंशनची गरज असते. त्यांना सतत आपल्याला अटेंशन मिळावं असं वाटत असतं. अशी मुलं आरडा ओरडा करून सर्वांच लक्ष आपल्याकडे खेचण्याचा प्रयत्न करतात.

कमी व्यक्तींमध्ये मिसळणे

स्ट्रेस वाढल्याने मुलं काही दिवसांनी असा विचार करू लागतात की, मला कोण काही बोलेल किंवा वाद झाले तर. त्यामुळे ते जास्त व्यक्तींमध्ये जाणे टाळतात. तसेच कमी व्यक्तींमध्ये मिसळणे पसंत करतात.

या पद्धतीने मुलांचा स्ट्रेस दूर करा

मुलांना परफेक्ट होण्यासाठी दबाव आणू नका. मुलांना जास्तीचे क्लास आणि अॅक्टीवीटी लावू नका. मुलांना सतत आउट डोअर गेम्स खेळण्यासाठी प्रोत्साहन द्या. त्यांना दीर्घ श्वासाच्या एक्ससाइज करण्यासाठी सांगा. मुलांशी खुप जास्त गप्पा मारा आणि त्यांना सतत हे सांगा की मी कायम तुमच्याबरोबर आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.