चवीला गोड, शरीराला पोषक व त्वचेचे आरोग्य सुधारणारे फळ म्हणजे पपई ! पपईही अनेक आजारांवर बहुगुणी ठरली जाते. पपईमध्ये अनेक पोषकत्त्व आहे.

जीवनसत्त्वे, फायबर आणि खनिजे भरपूर प्रमाणात असलेले पपई हे असे फळ आहे जे वर्षाचे बाराही महिने उपलब्ध असते. याच्या सेवनाने वजन सहज कमी करता येते. शिवाय, पपई हे मधुमेह (Diabetes), हृदय आणि कर्करोगाच्या रुग्णांसाठी खूप फायदेशीर फळ आहे.

फळ म्हणून खाण्याव्यतिरिक्त, ते सलाड आणि रस म्हणून देखील वापरले जाऊ शकते. इतके फायदे असूनही पपईचे सेवन काही लोकांसाठी हानिकारक आहे. त्यामुळे सेवन करताना योग्य प्रमाणात काळजी घ्या

1. गर्भधारणेदरम्यान

गर्भवती (pregnancy) महिलांनी पपईचे सेवन अजिबात करू नये. कारण कच्च्या किंवा अर्ध्या पिकलेल्या पपईमध्ये लेटेक्स आणि पपेन असतात जे न जन्मलेल्या बाळासाठी हानिकारक असतात. यामुळे प्री-मॅच्युअर डिलिव्हरी होऊ शकते.

2. किडनी स्टोन मध्ये

किडनी स्टोनच्या रुग्णांनीही पपईचे सेवन करू नये. पपईमध्ये व्हिटॅमिन सी भरपूर प्रमाणात असते. ज्याच्या जास्त प्रमाणात स्टोनची समस्या वाढू शकते. पपई खाल्ल्याने कॅल्शियम ऑक्सलेटची परिस्थिती उद्भवू शकते, किडनीमध्ये स्टोन देखील मोठा होऊ शकतो.

3. कोणतीही ऍलर्जी असताना

पपईचे सेवन अशा लोकांसाठी देखील हानिकारक आहे ज्यांना कोणत्याही प्रकारची ऍलर्जी आहे. पपईमध्ये चिटिनेज एन्झाइम असते. जे लेटेकसह प्रतिक्रिया देऊ शकते. यामुळे, शिंका येण्याबरोबरच श्वासोच्छवासाचा त्रास आणि डोळ्यांच्या समस्यांचा धोका देखील वाढू शकतो.

4. हायपोग्लाइसेमिया असलेले रुग्ण

ज्यांच्या रक्तातील साखर कमी राहते अशा लोकांनीही पपई खाऊ नये. म्हणजे हायपोग्लाइसेमिया असलेले रुग्ण. कारण त्यात अँटी-हायपोग्लायसेमिक म्हणजेच ग्लुकोज कमी करणारे पदार्थ असतात. ज्यामुळे परिस्थिती धोकादायक बनू शकते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.