जगभरात लठ्ठपणा आणि मधुमेहाच्या रुग्णांची संख्या झपाट्यानं वाढत चाललीय... अशातच लठ्ठपणा दूर करण्यासाठी भारतात एक औषध लॉन्च करण्यात आलयं... हे औषध नेमकं काय आहे? पाहूयात...

भारतात लॉन्च झालेले ओजेम्पिक औषध हे एक प्रिस्क्रिप्शन औषध आहे जे प्रामुख्याने टाइप -2 मधुमेहाच्या रक्तातील साखर नियंत्रित करण्यासाठी वापरले जाते. औषधाचे मुख्य संयुग सेमाग्लुटाइड आहे, जे GLP-1 नावाच्या नैसर्गिक संप्रेरकासारखेच कार्य करते. यामुळे रक्तातील साखर नियंत्रित करण्यात, भूक कमी करण्यात तसंच पचनाच्या प्रक्रियेचा वेग कमी करण्यासाठी महत्त्वाची भूमिका बजावते. यामुळे भूक कमी होते आणि वजनावरही परिणाम होतो. 1 मिलीग्राम डोसची किंमत भारतात 11 हजार रुपयांपर्यंत आहे...

दुसरीकडे हे औषध जरी लठ्ठपणा कमी करत असलं... तरी या औषधामुळे मळमळ, उलटी, अतिसार, पित्ताशयाशी संबंधित गंभीर आजार उदभवण्याची शक्यताही डॉक्टरर्सकडून वर्तवली जातेय... त्यामुळे ओजेम्पिकसारखे औषध वापरण्याआधी डॉक्टरांचा सल्ला घेणं गरजेचं आहे.... तसचं लठ्ठपणा कमी करण्यासाठी औषधाचा वापर करण्याऐवजी योग्य आहार, व्यायाम आणि जंक फूडला नकार... हाच उत्तम आरोग्याचा मंत्र आहे, हे सर्वांनी लक्षात घ्यायला हवे