Netflix Remove Basic Plan :

चित्रपट किंवा आपल्या आवडणारी वेबसिरीज प्रत्येकालाच निवांतपणे बसून पाहण्याची आवडत असते. हल्ली व्यस्त जीवनशैलीतुन प्रत्येकाला ते पाहता येत नाही. म्हणून त्यांना मिळेल त्या ठिकाणी ते पाहण्याचा अट्टहास प्रत्येक जण करत असतो.

Netflix हा ओटीटी प्लॅर्टफॉर्म सर्वाधिक पाहिला जाणारा अॅप आहे. यावर पाहाता येणाऱ्या सिरीज प्रत्येकजण वेगवेगळ्या पैशांमध्ये (Money) पाहातात. अशातच लवकरच Netflix चा सर्वात स्वस्त सबस्क्रिप्शन प्लान बंद होणार आहे. त्यामुळे युजर्सच्या मनोरंजनाला ब्रेक लागेल.

कंपनीने असे म्हटले आहे की, गेल्या २ ते ३ वर्षांपासून महसूलाबाबत अनेक अडचणींचा सामना करावा लागत आहे. त्यामुळे कॅनडा आणि ब्रिटनमधून Netflix ला काढून टाकण्यात आले आहे. स्ट्रीमिंग प्लॅटफॉर्मने नवीन कमाई अहवाल सदर केला. या अहवालाच्या आधारे कंपनी (Company) मोठा निर्णय घेणार आहे.

२०२३ मध्ये चौथ्या तिमाहित अहवालात असे म्हटले आहे की, नेटफ्लिक्सच्या एकूण साइनअप खात्यांपैकी ४० टक्के बेसिक अकाउंट ज्यामध्ये अॅड सपोर्ट आहेत. त्यासाठी कंपनीने सगळ्यात स्वस्त प्लान बंद करण्याचा निर्णय घेतला आहे.

नेटफ्लिक्सने गेल्या वर्षी ऑक्टोबरमध्ये काही देशांमध्ये अनेक प्लानची किंमत वाढवली. याआधी प्लानची किंमत १० यूएस डॉलर आणि ७ युरो होती. यानंतर ऑक्टोबरमध्ये या प्लानची किंमत १२ यूएस डॉलर आणि ८ युरो करण्यात आली. गेल्यावर्षी जुलैमध्ये अनेक नवीन ग्राहकांसाठी मूलभूत योजना काढून टाकण्यात आल्या.

1. Netflixचा सगळ्यात स्वस्त प्लान भारतात बंद होईल?

भारतात Netflix चा सगळ्यात स्वस्त प्लान बंद होईल का याबाबत अद्याप कोणतीही माहिती मिळालेली नाही. या प्लानची किंमत १९९ रुपये आहे. या प्लानमध्ये एचडी व्हिडिओ क्वालिटी पाहायला मिळते. अनेक मीडिया रिपोर्ट्सने दिलेल्या माहितीनुसार कॅनडा आणि ब्रिटनमधून या मूलभूत योजना काढून टाकण्याची प्रक्रिया सुरु झाली आहे.