रोजच्या कामातून स्वतः साठी निवांत वेळ शोधत असाल तर वीकेंडसाठी बेस्ट ऑप्शन जाणून घ्या. येथे तुम्ही तुमच्या कुटुंबासोबत, मित्रमंडळींसोबत फिरण्याचा प्लान करू शकता. येथे गेल्यावर तुमचा मूड फ्रेश होईल.

कुंडेश्वर धबधबा

कुंडेश्वर धबधबा बदलापूर येथे वसलेला आहे. या धबधब्याला प्राचीन वारसा लाभला आहे. तु्म्ही कुटुंबासोबत येथे वन डे पिकनिक प्लान करू शकता. पावसाळ्यात कुंडेश्वर धबधब्याचे सौंदर्य खुलून येते.

पळूचा धबधबा

जव्हार-विक्रमगड महामार्गावर पळूचा धबधबा आहे. हा धबधबा डोंगरी भागात आहे. येथे पावसाळ्यात पर्यटकांची गर्दी असते. येथे तुम्हाला वेगवेगळ्या जातीचे पक्षी पाहायला मिळतील. पावसाळ्यात उंचावरून कोसळणारा धबधबा पाहणे म्हणजे एक वेगळाच निसर्ग अनुभव होय.

जयसागर डॅम

जयसागर डॅम जव्हारमध्ये आहे. पावसाळ्यात येथील दृश्य डोळ्यांचे पारणे फेडणारे असते. ठाणे जिल्ह्यात जव्हार येते. पावसाळ्यात दाट धुक्यात जव्हारचे सौंदर्य मनाला मोहून टाकते. जयसागर डॅम जव्हारला पाणी पुरवठा करतो.

पेल्हार डॅम

पावसाळ्यात भिजण्याची मजा लुटायची असल्यास पेल्हार डॅम बेस्ट ऑप्शन आहे. वसई, विरार दरम्यान पेल्हार गाव आहे. पावसाळ्यात पर्यटकांची येथे गर्दी होते.

बारवी डॅम

ठाणे जिल्ह्यातील बारवी डॅम पर्यटनासाठी प्रसिद्ध आहे. पावसाळ्यात डॅम जवळचा परिसर हिरव्यागार निसर्गाने सजतो. हा परिसर फोटोशूटसाटी बेस्ट लोकेशन आहे.