शारदीय नवरात्रोत्सवाला सुरूवात झाली आहे. नऊ दिवस माता दुर्गेची मनोभावे पूजा केली जाते. नऊ दिवस उपवासाचे व्रत करतात. नवरात्रीच्या उपवासाला विविध पदार्थ नऊ दिवस खाल्ले जातात. नवरात्रीच्या उपवासाला तुम्ही साबुदाणा खिचडी खास बनवू शकता. साबुदाणा खिचडी घरी बनवण्याची रेसिपी अत्यंत सोपी आहे.

साहित्य

साबुदाणा खिचडी बनवण्यासाठी साबुदाणा, शेंगदाणे, बटाटा, कोथिंबीर, हिरवी मिरची, लिंबू, कढीपत्ता, तूप, सैंधव मीठ हे साहित्य घ्या

साबुदाणा खिचडी बनवण्यासाठी प्रथम साबुदाणा स्वच्छ धुवून घ्या २ ते ३ तास पाण्यात भिजवून घ्या असे केल्याने साबुदाणा मऊ होऊन चांगले फुगतात.

गॅसवर एका कढईत शेंगदाणे भाजून घ्या. शेंगदाणे साल काढून मिक्सरमध्ये बारीक करा.

यानंतर बटाटे हिरवी मिरची आणि कोथिंबीर बारीक चिरून घ्या.

कढईत गरम तेलामध्ये कढीपत्ता, हिरव्या मिरच्या भाजून घ्या यानंतर त्यात बटाटे मऊ होईपर्यत शिजवून घ्या. त्यानंतर यात भिजवलेला साबुदाणा घाला आणि चांगले मिक्स करा.

आता संपूर्ण मिश्रणावर झाकण घाला आणि खिचडी ५ मिनिटे शिजवून घ्या.

खिचडीमध्ये लिंबाचा रस टाकून २ ते ३ मिनिटे शिजवा. अशाप्रकारे साबुदाणा खिचडी तयार आहे.