मुंबई : अवघ्या काही दिवसात श्रावण मास सुरु होईल. सगळीकडे प्रसन्न वातावरण असून उन्ह आणि सावलीचा खेळ सुरु असेल.

हे देखील पहा -

श्रावणातला पहिला सण हा नागपंचमी येतो. या दिवशी सगळीकडे नागदेवतेची विधिवत पूजा केली जाते. काही ठिकाणी तांदूळ (Rice), माती व शेणाच्या सहाय्याने नागदेवतेची पूजा केली जाते. ठिकाणी रांगोळीच्या चुण्यांच्या सहाय्याने देखील नागदेवतेची प्रतिमा तयार करुन त्याची मनोभावे पूजा केली जाते. नागपंचमी दिवशी स्त्रिया नवीन अलंकार, वस्त्र नेसून नागदेवताची पूजा केली जाते. त्यादिवशी नागाला प्रसाद म्हणून वाहिल्या जाणाऱ्या लाह्या घरी कशा तयार करतात हे जाणून घेऊया.

लाह्या कशा तयार करतात -

साहित्य - १ कप ज्वारी, १ कप पाणी

कृती - सर्वप्रथम पाणी (Water) चांगले गरम करुन त्यात ज्वारी १५ मिनिटे भिजत ठेवावी. १५ मिनिटानंतर भिजत घातलेल्या ज्वारीला पाण्यातून उपसून घ्यावी आणि नंतर कॉटन किंवा सूती कापडावर पसरवून घ्या. ज्वारीला उमले तयार झाले की, लोखंडाची कढई गॅसवर गरम करायला ठेवा. कढई गरम झाल्यानंतर वाळवलेली ज्वारी त्यात घाला. ती ज्वारी सुती कापडाच्या सहाय्याने सतत हलवत रहा. काही मिनिटांत ज्वारीच्या लाह्या या तयार होतील.

पूर्वीच्या काळात नागपंचमीला भरपूर ज्वारीच्या लाह्या केल्या जात असत. या लाह्या दळून तयार लाह्या जात्यावर दळून त्याचे पीठ तयार केले जायचे. नंतर त्या पिठाचा तूप गुळ घालून त्याचे मस्त लाडू तयार करत असत.

Edited By - Komal Damudre