मुंबई : मशरुम हे अनेक पोषक तत्वांनी समृद्ध आहे. याचा वापर आपण आपल्याला आहारात केल्यास आरोग्याला त्याचा फायदा होतो

हे देखील पहा -

मशरूमचे अनेक प्रकार आहेत जे वेगवेगळ्या रंगात आणि आकारात आपल्याला बाजारात पाहायला मिळतात. मशरूम खाण्यास अतिशय चविष्ट असण्यासोबतच शरीर निरोगी आणि तंदुरुस्त ठेवण्यासही मदत करते. मशरूममध्ये सोडियम आणि चरबीचे प्रमाण खूप कमी असते, त्यामुळे वजन कमी करण्यासाठी त्याचा वापर अधिक होतो. यात असणाऱ्या कमी कॅलरीज आपल्या आरोग्यासाठी चांगल्या असतात. याची निवड करताना देखील अधिक काळजी घ्यायला हवी. याचा आपल्या आहारात समावेश कसा करावा हे जाणून घ्या.

मशरूम खाण्याचे फायदे (Benefits)-

१. मशरूममध्ये तांबे मुबलक प्रमाणात असते. ज्यामुळे आपली हाडे मजबूत राहण्यास मदत होते. तसेच यात असणाऱ्या घटकांमुळे शरीरात लाल रक्तपेशी तयार होण्यास मदत होऊन शरीरात ऑक्सिजन पोहोचवण्याचे काम करतात.

२. मशरूममध्ये असलेले अँटिऑक्सिडंट्स शरीराला वृद्धत्वाच्या समस्यांपासून संरक्षण करतात. शरीरातील प्रतिकारशक्ती वाढण्यास मदत होते.

३. मशरुममध्ये जीवनसत्त्व ब चा चांगला स्त्रोत आहे. जो शरीराच्या पचनसंस्थेसाठी, त्वचा निरोगी ठेवण्यासाठी व हृदयासाठी फायदेशीर आहे.

४. मशरूममध्ये कार्बोहायड्रेट्स आणि फॅट्स फार कमी प्रमाणात आढळतात, ज्यामुळे वजन आणि रक्तातील साखरेची (Sugar) पातळी कायम राहते.

५. मशरुमचे नियमित सेवन केल्यास थकवा व नैराश्य कमी होण्यास मदत होते. तसेच शरीराला ऊर्जा देखील मिळते. मशरुममध्ये मुबलक प्रमाणात ड जीवनसत्त्व असल्यामुळे अनेक आजारांवर मात करता येते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre