पावसाळ्यातल्या शरीरासोबत त्वचेची देखील विशेष काळजी घेतली पाहिजे. दमट वातावरणामुळे त्वचा कोरडी तसेच काहींची तेलकट होते. यामुळे पावसाळ्यात त्वचेचे सौंदर्य जपण्यासाठी महिला पार्लरमध्ये धाव घेतात. महागडी फेशियल करूनही त्यांची त्वचा मुलायम होत नाही. यासाठी तुम्ही पावसात घरीच काही पदार्थांपासून नॅचरल फेस मास्क तयार करा. ज्यामुळे पावसात त्वचेची पोत सुधारेल आणि त्वचा हायड्रेट राहील.

पपई

पपई आरोग्यासोबत त्वचेसाठीही फायदेशीर आहे. पपईतील पोषक घटक त्वचा हायड्रेट ठेवण्यास मदत करते. पपईचे फेस मास्क बनवण्यासाठी सर्वप्रथम एका भांड्यात पपईचा गर काढावा. त्यात दही, कोरफडीचा गर आणि गुलाब पाणी घालून पेस्ट तयार करून घ्यावी. ही पेस्ट चेहऱ्यावर, मानेवर, हाता पायावर लावून छान मसाज करावा. २० ते २५ मिनिटांनी चेहरा पाण्याने स्वच्छ धुवा. त्यानंतर चेहऱ्यावर २ ते ३ मिनिटे बर्फ लावा. पावसाळ्यात तुमची त्वचा तेलकट होत असल्यास हा फेस मास्क रामबाण उपाय आहे. यामुळे चेहऱ्यावरील काळे डाग निघून जातात.

कोरफड

कोरफड ही औषधी वनस्पती आहे. आयुर्वेदातही कोरफडला मोठे महत्व आहे. कोरफडीचे फेस मास्क तयार करण्यासाठी एका भांड्यात कोरफड जेल , थोडा लिंबाचा रस घालून छान मिक्स करून घ्या. या फेस मास्कचा हाताने चेहऱ्यावर मसाज करा. या फेशियलमुळे त्वचेला ग्लो येतो. तसेच त्वचा मॉइश्चरायझर होते.

दुधाची साय

दूध शरीरासोबत त्वचेसाठी देखील फायदेशीर आहे. दुधातील पोषक घटक त्वचेचे तारुण्य जपण्यास मदत करतात. पावसात दमट हवामानामुळे त्वचेवर वाईट परिणाम होताना दिसून येते. अशावेळी तुम्ही दुधाची सायपासून फेशियल करून शकता. दुधाची सायचे फेस मास्क बनवण्यासाठी दुधाची ताजी साय एका भांड्यात काढून त्यात चिमूटभर हळद घाला. मिश्रण छान एकजीव करून घ्या. हे फेसपॅक चेहऱ्यावर २० ते २५ मिनिटे लावून ठेवा. त्यानंतर थंड पाण्याने चेहरा स्वच्छ धुवून घ्या. दुधाच्या सायमुळे त्वचा मुलायम आणि चमकदार होते. तसेच चेहऱ्यावरील पिंपल्सची संख्या कमी होते.

मुलतानी माती

तेलकट त्वचेसाठी मुलतानी माती ही फायदेशीर आहे. मुलतानी माती त्वचेवर तेल निर्मिती करणाऱ्या ग्रंथी नियंत्रणात आणते आणि त्वचेवरील अतिरिक्त तेल निघून जाते. मुलतानी मातीचा फेस मास्क तयार करण्यासाठी एका भांड्यात मुल्तानी माती, गुलाब पाणी आणि थोडी हळद टाकून घ्यावी. रात्री झोपण्यापूर्वी हा फेस मास्क लावा आणि ३० मिनिटांनी थंड पाण्याने धुवून चेहरा स्वच्छ करा. यामुळे पावसात होणारी कोरडी त्वचा मुलायम होते.

डिस्क्लेमर : ही फक्त सामान्य माहिती आहे. अधिक तपशीलांसाठी डॉक्टरांशी संपर्क साधा.