फेसबुक इन्स्टाग्राम या सोशल मीडिया अॅप्सने प्रत्येक वयोगटातील मुलांना आपल्या विळख्यात ओढलं आहे. सध्या मोठ्यांपेक्षा लहान मुले याचा अधिक वापर करताना दिसून येत आहे.
या अॅप्सच्या माध्यमातून येणारे नवीन फीचर्स मुलांना आकर्षित करतात. ज्यामुळे मुलांना सतत सोशल मीडियाचे व्यसन लागले आहे असा आरोप अमेरिकेतील अनेक पालकांनी केला आहे. मुले खेळण्याच्या वयात सतत मोबाइलवरती फेसबुक-इन्स्टा पाहात असतात. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
यामुळे त्यांच्या डोळ्यांसोबत (eye) मानसिक आरोग्यावर (Mental Health) परिणाम होताना दिसून येत आहे. अमेरिकेतील वॉशिंग्टन डीसी सह ४१ राज्यांनी मेटा कंपनीविरोधात गुन्हा दाखल केला आहे. यामध्ये तब्बल २३३ पानांच्या फेडरल तक्रारीमध्ये असे म्हटले आहे की, कंपनी आपल्या फायद्यासाठी हे अॅप्स अधिक व्यसनाधीन बनवते. यामुळे मुलांच्या मानसिकतेवर परिणाम होतो.
कोलोराडो, कॅलिफोर्निया आणि इतर ३३ राज्यांनी कॅलिफोर्नियातील फेडरल न्यायालयात खटला दाखल केला आहे. तसेच वॉशिंग्टन डीसी आणि इतर ८ राज्यांच्या अ‍ॅटर्नी जनरल यांनी स्थानिक न्यायलयांमध्ये अनेक तक्रारी दाखल केल्या आहेत.
मेटा (Meta) कंपनी लहान मुलांना आपल्याकडे आकर्षित करण्यासाठी अनेक नवनवीन फीचर्स लॉन्च करत असते. यातील कंटेट मुलांना असे आकर्षित करतात ज्यामुळे मुले दिवसभर त्या अॅप्सचा वापर करतात. यासाठी कंपनी कंझ्युमर प्रोटेक्शन नियमाचं उल्लंघन करत असल्याचे म्हटले आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.