Men's Grooming Tips :

आजच्या काळात तरूणाईमध्ये दाढी वाढवणे हे ट्रेंडिंग आहे. तरुणाईला दाढी ठेवून स्टाईलिश लुक करायला आवडते. बहुतेक मुलं किंवा पुरूष हे वेगवेळ्या स्टाईलने दाढी करतात आणि सेलेब स्टाईल फॉलो करतात.

काही लोकांना दाढी न करता ती मोठी करणे जास्त आवडते. दाढी वाढवणे किंवा ती स्टाईलीश पद्धतीने कापणे हे ट्रेंडमध्ये आहे. परंतू दाढी करणे हे महत्त्वाचे आहे का? जर कोणी दाढी केली नाही तर त्याचा त्वचेवर (Skin) परिणाम होईल का? असा विचार तुम्ही कधी केला आहात का, चला तर मग जाणून घेऊया दररोज दाढी करणे आवश्यक आहे.

दाढी करणे आवश्यक आहे का?

दाढी करणे हे अत्यंत महत्वाचे आहे. कारण दाढी केल्याने त्वचेवर साचलेली घाण साफ (Clean) होते. यामुळे तुमच्या त्वचेला श्वास घेण्याची संधी मिळते आणि त्वचा आतून उजळते. याशिवाय, ते त्वचेचे छिद्र आतून उघडतात आणि नंतर पिंपल सारख्या समस्या टाळण्यास मदत होते. त्यामुळे चेहऱ्याची त्वचा निरोगी ठेवायची असेल तर नक्कीच शेविंग करा.

दररोज दाढी करणे आवश्यक आहे का?

दररोज दाढी करणे आवश्यक नाही. कारण रोज सकाळी (Morning) त्वचेवर ब्लेड चालवल्याने काही प्रमाणात नुकसान होऊ शकते. यामुळे त्वचा कोरडी आणि डी-हायड्रेट होऊ शकते. याशिवाय, तुमच्या चेहऱ्यावर त्यामुळे सतत खाज आणि जळजळ जाणवू शकते. त्यामुळे तुम्ही दररोज दाढी करणे टाळावे.

आठवड्यातून किती वेळा दाढी करावी?

आठवड्यातून किमान 3 वेळा दाढी करणे आवश्यक आहे. कारण ते स्वच्छतेसाठी चांगले असते आणि त्यामुळे त्वचेला इजा होणार नाही. तसेच त्वचा निरोगी राहते आणि तुमचा चेहराही चमकदार राहतो.