Mahashivratri 2024 Upvas :

माघ महिन्यातील कृष्ण पक्षाच्या त्रयोदशी तिथीला महाशिवरात्रीचा सण साजरा केला जातो. यंदा हा सण ८ मार्चला साजरा केला जाणार आहे. या दिवशी भगवान शंकराला प्रसन्न करण्यासाठी अनेकजण उपवास करतात तसेच मनोभावे प्रार्थना देखील करतात.

जर तुम्ही देखील पहिल्यांदाच महाशिवरात्रीचे (Mahashivratri) व्रत करणार असाल तर काही गोष्टी लक्षात ठेवायला हव्या. तसेच पूजा करताना काय काळजी (Care) घ्यायला हवी. पूजेचे नियम काय जाणून घेऊया.

1. शिवरात्रीच्या व्रताचे नियम

• तुम्ही महाशिवरात्रीच्या दिवशी उपवास (Fast) करत असाल तर दिवसातून एकदाच फळे खावीत असे म्हटले जाते.

• उपवासादरम्यान चेस्टनट, बकव्हीट, वरईचा तांदूळ, बटाटे इत्यादीचे सेवन करु शकता.

• उपवासात गहू आणि तांदळाचे सेवन करु नये. तसेच संपूर्ण धान्य असलेल पदार्थ खाऊ नये.

2. महाशिवरात्रीच्या दिवशी उपवासात कोणते पदार्थ खाऊ नये

• उपवासात लसूण आणि कांदा खाण्यास वर्ज्य मानले जाते.

• महाशिवरात्रीच्या दिवशी पांढरे मीठ खाऊ नये. त्याऐवजी रॉक सॉल्टचे सेवन करावे

• उपवासात जास्त तळलेले पदार्थ खाणे टाळावे. यामुळे पचनसंस्थेला त्रास होऊ शकतो.

• उपवासाच्या वेळी मांस आणि मदिराचे सेवन अजिबात करु नये.

3. व्रताचे फायदे

महाशिवरात्रीचे व्रत केल्याने धन, सन्मान, सुख आणि शांती प्राप्त होते. तसेच कुमारीकेने हे व्रत केल्यास लग्नातील अडथळे दूर होतात. वैवाहिक आयुष्यात अडचणी असतील तर या दिवशी मनोभावे शंकराची पूजा केल्याने फलप्राप्त होते.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.