मुंबई : आजच्या या डिजिटल युगात, मॅट्रिमोनिअल साइटवरती (Matrimonial Site) स्थळं शोधणं देखील खूप कठीण होत आहे. कारण इंटरनेटच्या या युगात फसवणुकीच्या घटनांमध्ये सातत्याने वाढ होत आहे. अशा साइटवर योग्य प्रोफाइल ओळखणे देखील कठीण होत आहे. अशा परिस्थितीत कोणती प्रोफाईल खरी आहे हे चेक करणं अवघड असंत. कारण काही लोक एखाद्या व्यक्तीची खोटी प्रोफाइल (Profile) तयार करून किंवा काही माहिती लपवून फसविण्याचा प्रयत्न करतात. तसंच काही वेळा पैशांचीही मागणीही करतात. अशा परिस्थितीत एखादं स्थळं शोधताना समोरच्या व्यक्तीच्या प्रोफाइलची खरी खोटी माहिती तपासण्याचे काही पर्याय खालीलप्रणाणे आहेत.

फोटो -

प्रत्येक व्यक्तीचा फोटो खूप काही सांगून जातो. त्यामुळे कोणत्याही साइटवर प्रोफाइल तयार करण्यापूर्वी, आपण स्वत: आपल्या फोटोसह समोरच्या फोटोबाबत व्यवस्थित आणि योग्य प्रकारे काळजी घ्यायला हवी. आणि फोटो नसलेल्या कोणत्याही आयडीला शॉर्टलिस्ट करू नका. तसंच फोटोवरुनच योग्य वयाचा अंदाजही तुम्ही लावू शकता. त्यामुळे सर्वात पहिलं फोटोच्या बाबतीत सतर्क रहा.

माहिती -

कोणत्याही मॅट्रिमोनिअल साइटवर ID बनवण्याआधी प्रत्येकाला काही महत्वाची आणि मूलभूत माहिती द्यावी लागते, मात्र जर ही मूलभूत माहिती एखाद्याच्या प्रोफाइलवर आढळलीच नाही तर अशा लोकांपासून सावध रहा. तसंच जे वारंवार प्रोफाइल वरील माहिती बदलत असतील ते बदल लक्षात आले तर ते देखील फेक लोकं आहेत समजून जा आणि त्यांच्यापासून सावध रहा जसं की पटकन फोटो बदलणे, आवडीचे कलाकार बदलणे, अशा लोकांपासून सावधगिरी बाळगणे आवश्यक आहे. कारण अशा लोकांच्या प्रोफाईलमध्ये ज्यादा प्रामाणिकता नसते.

पैशांची मागणी -

मॅट्रिमोनिअल साइटवरून तुम्हाला कोणीही प्रोफाईलद्वारे पैसे मागितले तर सावधान. कारण अनेकांनी मॅट्रिमोनियल वेबसाईटद्वारे (WebSite) इतर लोकांची ऑनलाइन फसवणूक केली आहे, त्यामुळे जर एखाद्या व्यक्तीने मॅट्रिमोनियल साइटद्वारे तुमच्याकडे पैसे मागितले तर त्याच्यापासून दूर राहा.

Edited By - Jagdish Patil