हायपोथायरॉइडिजम समस्या प्रौढांमध्ये जास्त आढळते. चयापचय नियंत्रित करणारे हार्मोन्स तयार करणाऱ्या थायरॉईड ग्रंथींचे प्रमाण कमी होते तेव्हा हायपोथायरॉइडिजम ची समस्या उद्भवते. यामुळे चयापचय क्रिया मंदावते. हायपोथायरॉइडिजम असल्यास थकवा, अशक्तपणा, वजन वाढणे, चिडचिड, नैराश्य यासारख्या समस्या उद्भवतात.

हायपोथायरॉईडीझमची लक्षणे

• महिलांचे मासिकपाळी चक्र अनियमित होणे.

• पोटासंबंधित समस्या उद्भवणे. उदा. बद्धकोष्ठता

• हृदयाची गती मंदावते.

• त्वचा कोरडी होते.

• केस गळती वाढते आणि केसांचे आरोग्य खराब होते.

• सतत थकवा जाणवतो.

• थायरॉइड ग्रंथींवर सूज येते.

• वजन नियंत्रणात राहत नाही.

• झोपचे च्रक बिघडते. खूप वेळ झोप लागते.

• हात पाय कायम थंड राहतात.

हायपोथायरॉईडीझमची कारणे

• हाशिमोटो थायरॉयडिटिस हे हायपोथायरॉईडीझमचे मुख्य कारण आहे. व

• आपली रोगप्रतिकारकशक्ती थायरॉइड ग्रंथींविरुद्ध कार्य करते. त्यामुळे अडथळा निर्माण होतो आणि हायपोथायरॉइडिजम होण्याची शक्यता निर्माण होते.

• रेडिओअ‍ॅक्टिव्ह आयोडिन ट्रीटमेंटच्या अतिवापरामुळे ही हायपोथायरॉईडीझम होऊ शकतो.

• रोजच्या आहारात आयोडीनच्या कमतरतेमुळे हायपोथायरॉइडिजम होतो.

• महिलेला बाळंतपणानंतर हायपोथायरॉइडिजम होऊ शकतो.

• आधी थायरॉइड ग्रंथींच्या शस्त्रक्रिया झाली असल्यास हायपोथायरॉइडिजम होण्याचा धोका वाढतो.

• कधीतरी औषधांच्या साईड इफेक्टमुळे देखील हायपोथायरॉइडिजम होतो.

• मेंदूमधील हायपोथॅलेमस विकारांमुळे हायपोथायरॉईडिजम होण्याची शक्यता वाढते.

आरोग्यावर परिणाम

• हायपोथायरॉइडिजममुळे अनेकांना हृदयाच्या समस्या उद्भवतात.

• हायपोथायरॉइडिजममुळे सांधेदुखीचा त्रास होतो.

• या मध्ये मोठ्या प्रमाणात वजन वाढून लठ्ठपणा येतो.

हायपोथायरॉईडीझमचे निदान

• हायपोथायरॉईडीझमचे निदान करण्यासाठी रक्ताच्या चाचण्या केल्या जातात.

• शरीरातील हॉर्मोनचा स्तर जाणून घेऊन त्या अनुषंगाने औषधे घ्यावी लागतात.

डिस्क्लेमर : ही फक्त सामान्य माहिती आहे. अधिक तपशीलांसाठी डॉक्टरांशी संपर्क साधा.