HOW TO STORE GREEN PEAS FRESH ALL YEAR ROUND EASY METHODS saam tv
लाईफस्टाईल

Green Peas : हिरवे वाटाणे वर्षभर ठेवा ताजे आणि टवटवीत, जाणून घ्या साठवण्याच्या दोन सोप्या पद्धती

how to preserve green peas : हिरवे वाटाणे बाजारात स्वस्त आणि भरपूर प्रमाणात मिळायला लागले की, ते वर्षभर टिकवून ठेवण्याचा प्रश्न पडतो. हिवाळ्यातील हे ताजे गोड वाटाणे वर्षभर टिकवण्यासाठी आणि त्यांची चव व रंग टिकवून ठेवण्यासाठी दोन सोप्या पद्धती आहेत कोणत्या ते जाणून घ्या.

Saam Tv

हिरवे वाटाणे महिन्यान महिने ताजे ठेवण्यासाठी सर्वप्रथम योग्य मटार निवडणे आवश्यक आहे. यासाठी पेन्सिल मटार उत्तम मानली जाते, कारण ती चवीला गोड असते आणि तिच्या दाण्यांमध्ये स्टार्चचे प्रमाण कमी असते, ज्यामुळे ती दीर्घकाळ ताजी राहू शकते.

हिरवे वाटाणे अनेक पदार्थांची चव वाढवतात. वाटाण्याची आमटी, पुलाव, पराठे किंवा इतर कोणताही आवडता पदार्थ असो, त्यात हिरव्या वाटाण्यांचा मोठ्या प्रमाणावर वापर केला जातो. मात्र, त्यांना जास्त काळ ताजे ठेवणे सोपे नसते. योग्य प्रकारे साठवले नाही, तर त्यांचा रंग आणि चव दोन्ही खराब होऊ शकतात.

बाजारात मिळणारे गोठवलेले वाटाणे देखील दीर्घकाळ वापरासाठी एका विशिष्ट पद्धतीने साठवले जातात. त्याचप्रमाणे, ताजे हिरवे वाटाणे घरी योग्य प्रकारे साठवून दीर्घकाळ ठेवता येतात. जर तुम्हालाही हिरवे वाटाणे दीर्घकाळ ताजे ठेवायचे असतील, तर या सोप्या पद्धती उपयुक्त ठरू शकतात.

मोहरीच्या तेलाचा वापर करा

यासाठी हिरवे वाटाणे सोडून दाणे वेगळे करा आणि जाड व पातळ दाणे वेगवेगळे ठेवा. साठवण्यासाठी नेहमी जाड दाण्यांची निवड करा, कारण पातळ दाणे कच्चे असतात आणि लवकर खराब होऊ शकतात. आता वाटाण्याच्या जाड दाण्यांमध्ये एक चमचा मोहरीचे तेल घालून चांगले मिसळून घ्या, जेणेकरून तेल सर्व दाण्यांना व्यवस्थित लागेल. यानंतर वाटाणे पॉलिथिनमध्ये भरा, रबरने घट्ट बांधून फ्रीजमध्ये ठेवा.

हिरवे वाटाणे उकळून ठेवणे

यासाठी एका भांड्यात पाणी गरम करून त्यात हिरवे वाटाणे घालून साधारण दोन मिनिटे उकळून घ्या. त्यानंतर पाणी गाळून हिरवे वाटाणे वेगळी करा. आता एका भांड्यात बर्फाचे थंड पाणी घेऊन त्यात उकडलेली मटार टाका. हिरवे वाटाणे थंड झाल्यावर ती पाण्याबाहेर काढून एखाद्या स्वच्छ कापडावर पसरवून पूर्णपणे कोरडी होऊ द्या. मटारचे पाणी पूर्णपणे सुकल्यानंतर ती एअरटाइट डब्यात किंवा पॉलिथिनमध्ये भरून फ्रीजमध्ये ठेवा.

हिरवे वाटाणे साठवताना खराब किंवा कच्चे दाणे काढून टाकणे गरजेचे आहे. तसेच, जर हिरवे वाटाणे उकळून ठेवत असाल, तर ती पॅक करण्यापूर्वी पाण्याचा अंश पूर्णपणे सुकलेला असणे अत्यंत आवश्यक आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ind vs NZ : टीम इंडियानं 'करून दाखवलं'! ९४ वर्षांत पहिल्यांदाच विक्रमाला गवसणी

दिग्गज नेत्याचा भाजपला रामराम; विरोधी पक्षात केला प्रवेश, राजकारणात खळबळ

Maharashtra News Live Update: मॉडिफाइड सायलेन्सर आणि फॅन्सी नंबर प्लेटवर पिंपरी चिंचवड पोलिसांचा बुलडोझर...

Dombivli Travel : फार दूर जाण्याची गरज नाही! डोंबिवलीपासून जवळच आहेत 'हे' ६ भन्नाट विकेंड डेस्टिनेशन्स

Good News: दिलासादायक! आता कोणत्याही वयात व्हा वकील, वयोमर्यादेची अट रद्द

SCROLL FOR NEXT